ዬ ማጻፋ 137 - ጋሞ ማጻፋ

¹ ባቢሎኔ ሻፋታ ላንቄን ኡቲዲ ኑኒ ጺዮኔ ቆፒዳ ዎዴ ዬኪዶስ።

² ሄን ኑኒ ኑ ዲታ ሃ ማታን ዲጪዛ ሚታ ቦላ ካቂዶስ።

³ ኑና ዲኢዳ ኣሳቲ ኑኒ ዬጺዲ ኢስታ ኡፋይሳና ማላ፥ «ጺዮኔ ዬፌ ኢሳ ኣኔ ኑስ ዬጺቴ» ጊዳ።

⁴ ጎዳ ማዛሙሬ ኑኒ ኣላጋ ቢታን ዎስቲ ዬጾኒ?

⁵ ዬሩሳላሜ ካታማዬ! ታኒ ኔና ባሊኮ ታ ኡሻቻ ኩሼይ ባ ኦሶ ባሎ።

⁶ ታኒ ኔና ሃሳኦንታ ኣጊኮ ታ ኡፋይሳ ኡባፌ ኣዳ ዬሩሳላሜ ዶሶንታ ኣጊኮ ታ ኢንጻርሳይ ጎንጊራራ ኦይኬቶ።

⁷ ኣቤት ጎዳዉ! ዬሩሳላሜይ ኩንዲዛ ጋላስ ኤዶሜ ኣሳቲ ኦዳይሳ ቆፓ፤ ኢስቲ፥ «ላሊቴ! ላሊቴ! ዮቻፌ ቃሊ ይሲቴ!» ጊዳይሳ ባሎፓ።

⁸ ሃኔ ባቢሎኔ ቢታዬ ኔ ያና! ኔኒ ኑ ቦላ ፖሊዳ ኢታ ኦሶ ኔ ቦላ ዛሪ ኦዛይ ኣንጄቲዳይሳ።

⁹ ኔ ጉ ናይታ ኦይኪዲ ዛላ ቦላ ዲንጬሬዛይ ኣንጄቲዳይሳ።