ዬ ማጻፋ 12 - ጋሞ ማጻፋ

ዳዊቲ ዛማሬታ ካቦስ ኦስፑን ሻያን ዋጼቲዳ ዲን ዬጺዳ ማዛሙሬ

¹ ጎዳዉ! ሎኦ ኣሲ ቢታ ቦላፌ ዉሪዳ ጊሻስ ኔ ታና ማዳርኪ፤ ዴራ ጊዶን ኣማኔቲዛ ኣሲ ዴና።

² ኢሶይ ኢሳስ ዎርዶ ሃሳዬስ፤ ኢሶይ ኢሳ ዶናን ጪሜቴስ፤

³ ኣቤት ጎዳዉ! ባሌዛ ዶና ጎርዳ፤ ኦቶሮን ሃሳይዛ ኢንጻርሳታ ቃንጻ፤

⁴ ኢስቲ፥ «ኑኒ ኑ ኢንጻርሳን ጾናና፤ ኑ ዶናይ ኑሳ፤ ኑስ ጎዳይ ኦኔ?» ጌቴስ።

⁵ ጎዳይ፥ «ሂዬሳቲ ኡንኤቲዳ ጊሻሲኔ ሜቶታንቻታ ዋሶ ጊሻስ ሃኢ ታኒ ዴንዳና፤ ታኒ ኢስቲ ኣሞቲዛ ሳሮቴን ኢስታ ዎና» ጌስ።

⁶ ጎዳ ቃላይ ኢዛን ዋላካይ ባይንዳ ሙሩታ፤ ጮጬ ታማን ላፑንቶ ፓጬቲ ጌዪዳ ቢራ ማላ።

⁷ ኣቤት ጎዳዉ! ኔኒ ኑና ሳሮቴን ናጋ፤ ሃ ዎዴን ዲዛ ኢታ ዬሌታፔ ሜርናስ ኔ ኑና ኣሻ።

⁸ ኣሳ ጊዶን ኢታይ ቦንቼቲዳ ዎዴ ጌላቲ ኡባ ዎዴ ኦቶሬቴን ሲሜሬቴቴስ።