ዬ ማጻፋ 112 - ጋሞ ማጻፋ

¹ ጎዳይ ጋላቴቶ! ጎዳስ ያዪዛ ኣሲ፥ ኢዛ ኣዛዞታካ ፖላናስ ኡፋዬቲዛ ኣሲ ኣንጄቲዳይሳ።

² ኢዛ ናይቲ ቢታን ዎልቃማ ጊዳና፤ ሱሬ ኣሳታ ዬሌታይ ኣንጄታና።

³ ኣቆታይኔ ዱሬቴ ኢዛ ኬን ዴስ፤ ኢዛ ጺሎቴይካ ሜርናስ ዴኣና።

⁴ ኪያ፥ ቃቲዛኔ ጺሎ ኦዛ ሱሬ ኣሳስ ማ ጊዶን ፖኦይ ፖኤስ።

⁵ ኪያቴን ጮ ታልኢዛ ኣሳስ፥ ባ ኦሶ ሱሬቴን ኦዛ ኣሳስ ዴኦይ ኢንጄታና።

⁶ ጺሎ ኣሲ ኣዉዴኔ ኩንዴና፤ ሜርናስ ኢዚ ሃሳኤቲሼ ዴኣና።

⁷ ኢታ ሚሺ ኢዛ ዳጋንና፤ ኣይስ ጊኮ ኢዛ ዎዚናይ ሂርጌና፤ ጎዳን ኣማኔቴስ።

⁸ ኢዛ ዎዚናይ ሚኖ፤ ሙሌካ ያዬና፤ ዉርሴን ባ ሞርኬታ ኩንዴ ኢዚ ቤኣና።

⁹ ኢዚ ሂዬሳታስ ኪያቴን ኢሜስ፤ ቃሴ ኢዛ ጺሎቴይ ሜርናስ ዴስ፤ ኢዛ ካጬይ ቦንቾን ቁ ቁ ጋና።

¹⁰ ኢታ ኣሲ ሄሳ ቤኢዲ ዪሎቴስ፤ ባ ኣቻ ጋርጪሼ ጮ ጊልቂ ዬስ፤ ኢታታ ኣሞይ ሃዳ ጊዳና።