ኢሳያሳ ቲንቢቴ 4 - ጋሞ ማጻፋ

¹ ሄ ዎዴ ላፑን ማጫሳቲ ኢሲ ኣዴ ኦይኪዲ፥ «ማና ካ ጊዲን ማይኣና ማይኦ ኑኒ ኑርካ ኑና ዳንዳያና፤ ኔ ሱንን ጻላ ጼይጌታና ማላ ሂስታዳ ኑ ካዉሻቴ ኑፔ ዲጋርኪ!» ጊ ዎሳና።

ዬሩሳላሜ ኦራቴ

² ሄ ዎዴ ጎዳ ሚ ሃጋይ ሎኣናኔ ቦንቼታና፤ ኢስራኤሌ ኣሳፔ ይሼ ኣቲዳይታስ ሄ ቢታ ካይ ጬቆሲኔ ቦንቾስ ጊዳና።

³ ጺዮኔን ኣቲዳይቲ፥ ዬሩሳላሜን ዮንታ ኣቲዳይቲ፥ ዬሩሳላሜን ሼምፖራ ፓጻ ዲሼ ጻፌቲዳ ኡባታራ፥ «ኢስቲ ጌሻታ» ጌቴታና።

⁴ ጎዳይ ጺዮኔ ማጫሳታ ቂታ ሜጫና፤ ማቲ ኡቲዳ ሱፌ ዬሩሳላሜ ፒርዳ ኣያናኒኔ ጹጊዛ ኣያናን ጌሻና።

⁵ ጎዳይ ጺዮኔ ዙማ ቦላኔ ሄን ሺቂዛ ኡባታ ቦላ ጋላስ ሻራኔ ጩዋ፥ ኦማርስ ኤጺዛ ታማ ፖኦ ኪታና፤ ጾሳ ቦንቾይ ካታማዮ ዱንካኔ ማላ ካሚ ናጋና።

⁶ ኢዚ ጋላሳ ኣዋ ሱሌፔ ኣሺዛ ኩዋ፥ ኡሾፔኔ ኢራፔ ባቃቲ ኣቲዛሶሆ ጊዳና።