ሆሴኤ ቲንቢቴ 5 - ጋሞ ማጻፋ

¹ ኢንቴኖ ቄሴቶ ሃይሳ ሲዪቴ! ኢስራኤሌ ኣሳቶ ኣኬኪቴ! ካዎ ኬ ኣሳቶ ሃይሳ ኤዝጊቴ! ሄኮ ፒርዳይ ኢንቴ ቦላ ዪዴስ፤ ጋሶይካ ኢንቴ ሚጺጳን ናርጻ፥ ታቦሬ ዙማን ጊቴ ጊዲዴታ።

² ማካላንቻቲ ሼምፖ ዎ ካሴፔ ሃ ዳርሲዳ፤ ሄሳ ጊሻስ ታኒ ኢስታ ኡባካ ቃጻያና።

³ ታኒ ኢስራኤሌ ኣሳ ኡባ ኤራይስ። ኢስራኤሌይ ታ ኣይፌፔ ጌማቤኩ፤ ኤፍሬሜ፥ ኔኒ ላይማቴ ጎይኖን ቱናዳሳ።

⁴ ኢስራኤሌ ኣሳይ ኦዳ ሞሮይ ኢስቲ ባ ጾሳኮ ሲሞንታ ማላ ዲጊዴስ። ላይማቴ ኣያናይ ኢስታ ዎዚና ኩሚዴስ። ሄሳ ጊሻስ ኢስቲ ጎዳ ኤሬቴና።

⁵ ኢስራኤሌ ኣሳ ኦቶሮይ ኢስታ ቦላ ሲሚ ማርካቴስ። ኢስቲ ባንታ ናጋራን ጴታና። ዩሁዳይካ ኢስታራ ኢሲፌ ጴቲ ኩንዳና።

⁶ ኢስቲ ጎዳ ኮያናስ ባንታ ዉዴ ሜሄታኔ ሚዛታካ ላጊ ኤፋና፤ ጊዶ ኣቲን ኢዚ ኢስታፌ ሻኬቲዳ ጊሻስ ኢስቲ ኢዛ ዴሜቴና።

⁷ ኢስቲ ኤቃ ጾሳታስ ጎይኒዛ ጊሻስ ጎዳስ ኣማኔቲቤቴና፤ ኢስቲ ላይማን ናይታ ዬሊዳ። ሄሳ ጊሻስ ኢስቲ ኣጊና ጼሮን ቦንቺዛ ባኣሌይ ኢስታኔ ኢስታ ናይታ ኢሲፌ ይሳና።

ኢስራኤሌኒኔ ዩሁዳ ጊዶን ዴንዳና ኦላ

⁸ ኣሳይ ኦላስ ኬዛና ማላ ጊቢኣን ዛዬ ዛዪቴ፤ ኤራማን ጹሩምባ ፑኒቴ። ቤቲ-ኣዌኔን፥ ‹ቢኒያሜ ባጋቶ! ኑ ኢንቴናራ ዶስ› ጊሼ ዋሲቴ።

⁹ ቂጻቴይ ዪዛ ዎዴ ኤፍሬሜይ ቡላ ጊዳና፤ ሃይሲ ኢስራኤሌ ቦላ ጋካናይሳ ታ ሎኤ ኤሪሳይስ» ጌስ።

¹⁰ ጎዳይ፥ «ዩሁዳ ካሌዛይቲ ስ ሾዲዛ ኣሳ ማላ ጊዲዳ ጊሻስ ታኒ ታ ሃንቆ ሃ ዲኦ ማላ ኢስታ ቦላ ዬዳና።

¹¹ ኢስራኤሌ ኣሳይ ሃዳ ጾስ ካሎን ሚኒዴስ። ሄሳ ጋሶን ናቄቲዴታኔ ፒርዳን ቆሄቲዴታ።

¹² ሄሳ ጊሻስ ታኒ ኢስራኤሌ ኣሳ ፒኖ ማላ፥ ዩሁዳ ኣሳስ ቃሴ ቁኖ ማላ ጊዳና።

¹³ ኢስራኤሌይ ባ ሳኮዛ፤ ዩሁዳይካ ባ ማዱን ቤኢዲ ኢስራኤሌይ ኣሶሬኮ ባ ኣይፍሶ ዛራዱስ፤ ኢስራኤሌይ ማዶ ዴማናስ ጊታ ኣሶሬ ካዎኮ ቃስታኔ ኪታዱስ። ጊዶ ኣቲን ኢዚ ኢንቴና ኣሻናስ ዎይኮ ኢንቴ ማዱን ፓናስ ዳንዳይቤና።

¹⁴ ሄሳፌ ዴንዲዳይሳን ታኒ ኢስራኤሌስ ጋሞ ማላ ዩሁዳስካ ዎዳላ ጋሞ ማላ ጊዳና፤ ታ ኢስታ ኒፊፊ ሂስታ ሜንሬ ዬጋና፤ ቦንቃ ኤካዳ ባና፤ ኦኒካ ኢስታ ታ ኩሼፔ ኣሻናስ ዳንዳዬና።

¹⁵ ኢስቲ ባ ባላ ኤሪዲ ታኮ ሲማና ጋካናስ ታኒ ኢስታፌ ሃካና። ኢስታ ቦላ ሜቶይ ዳሪዛ ዎዴ ኢስቲ ታና ሚን ኮያና» ጌስ።