1ዮሃኒሳ ኪታ 1 - ጋሞ ማጻፋ

ዴኦ ቃላ

¹ ዴኦ ቃላ ጊሻስ ኮይሮፔ ዲዛይሳ ኑኒ ኑ ሃይን ሲዪዳይሳኔ ኑ ኣይፌራ ቤኢዳይሳ ሎኤ ጼሊዳይሳ፥ ኑ ኩሼራ ኦይኪ ቤኢዳይሳ ጊሻስ ሃሳዮስ።

² ዴኦይካ ቆንጪዴስ፤ ኑኒካ ኑ ኣይፌራ ቤኢዲ ማርካቶስ። ኢዛስ ኢዛ ኣዋ ኣቻን ዲዛይሳኔ ኑስካ ቆንጪዳ ሜርና ዴኦ ጊሻስ ኑ ኢንቴስ ዮቶስ።

³ ኢንቴስካ ኑናራ ኢሲፌቴ ዳና ማላ ኑኒ ቤኢዳይሳኔ ሲዪዳይሳ ኢንቴስ ዮቶስ፤ ኑ ኢሲፌቴይካ ኣዋራኔ ኢዛ ና ዬሱስ ኪርስቶሳራ።

⁴ ኑ ኡፋይሳይ ኩሜ ጊዳና ማላ ኑ ሃይሳ ኢንቴስ ጻፎስ።

ፖኦን ሲሜሬቴ

⁵ ኑ ኢዛፔ ሲዪዲ ኢንቴስ ዮቲዛ ኪታይ፥ «ጾሲ ፖኦ፤ ኢዛ ኣቻን ሙሌካ ማይ ዴና» ጊዛይሳ።

⁶ «ኑ ማን ሲሜሬቲሼ ኢዛራ ኑስ ኢሲፌቴ ዴስ» ጊኮ ዎርዶቶስ ኣቲን ቱማን ዶኮ።

⁷ ጊዶ ኣቲን ኢዚ ፖኦን ዲዛ ማላ ኑኒካ ፖኦን ሲሜሬቲኮ ኑ ጋርሳን ኑስ ኢሲፌቴ ዴስ፤ ኢዛ ና ዬሱስ ኪርስቶሳ ሱ ኑና ናጋራ ኡባፌ ጌሼስ።

⁸ ኑኒ ኑናን ናጋራይ ባ ጊኮ ኑርካ ኑና ባሌስ፤ ቱማይካ ኑናን ዴና።

⁹ ኑኒ ኑ ናጋራ ፓጺኮ ኢዚ ኑ ናጋራ ኣቶ ጋናሲኔ ኑ ቆሆፔ ኑና ዉርሲ ጌሻናስ ኢዚ ኣማኔቲዳዴኔ ጺሎ።

¹⁰ ኑኒ ናጋራ ኦቤኮ ጊኮ ኢዛ ኑ ዎርዳንቻ ኬሶሲኔ ኢዛ ቃላይካ ኑናን ዴና።