1ታሪኬ ማጻፋ 25 - ጋሞ ማጻፋ

ጾሳ ኬን ዬጺዛይታ

¹ ዳዊቲኔ ኦላ ጋዳዋቲ ኣሳፌ ናይታፔ፥ ሄማኔ ናይታፔኔ ኤዶታኔ ናይታፔ ማሲንቆን፥ ዲኒኔ ዳላን ኣዋጂሼ ቲንቢቴ ዮቲዛይታ ዶሪ ዎዳ፤ ሃይሳ ሃ ኦሶዛ ኦና ማላ ዶሬቲዳ ኣሳታ ሱን ሃይሳፌ ካሊ ዲዛይሳ።

² ኣሳፌ ናይታፔ ዛኩሬ፥ ዮሴፌ፥ ናታኒያኔ ኣሼርኤሌ፤ ሃይቲ ኣሳፌ ናይቲ ካዎይ ኣዛዚን ቲንቢቴ ዮቲዛ ኣሳፌፔ ጋርሳራ ኣዛዜቴቴስ።

³ ኤዶታኔ ናይታፔ ጎዶሊያሳ፥ ጼሬ፥ ዬሻኢያ፥ ሺምኤ፥ ሃሻቢያኔ ማቲቲያ፤ ሃ ኡሱፑናቲ ማሲንቆን ጎዳ ጋላቲሼኔ ቦንቺሼ ቲንቢቴ ዮቲዛ ባ ኣዋ ኤዶታኔፔ ጋርሳራ ኣዛዜቴቴስ።

⁴ ሄማኔ ናይታፔ ቡቂያ፥ ማታኒያ፥ ኡዚኤሌ፥ ሹባኤሌ፥ ያርሞቴ፥ ሃናኒያ፥ ሃናኔ፥ ኤልኣታ፥ ጊዶልቴ፥ ኤሮማምቴ-ኤዜሬ፥ ዮሺባቃሼ፥ ማሎታ፥ ሆቲሬኔ ማሂዚኦቴ።

⁵ ሃይቲ ኡባቲካ ካዎዛስ ቲንቢቴ ዮቲዛ ሄማኔ ናይታ፤ ጾሳይ ኢዛስ ኢማና ጊዳ ማላ ሄማኔ ቁ ቁ ሂስታናስ ሃ 14 ኣቱማ ናይታኔ 3 ማጫ ናይታ ኢዛስ ኢሚዴስ።

⁶ ሃይቲ ኡባይ ጎዳ ኬን ዳላ ጊሪሲሼ፥ ማሲንቆኔ ዲ ዲጺሼ ባንታ ኣዋፔ ጋርሳራ ጾሳ ኬን ኦቴስ። ኣሳፌይ፥ ኤዶታኔይኔ ሄማኔይ ካዎዛፔ ጋርሳራ ኣዛዜቲሼ ዴቴስ።

⁷ ሃይቲ ባ ዳቦታራ ጊዲዲ ጎዳ ሲንን ሺቂዛ ዬ ታማር ሎሂዳይታ፤ ኢስታ ቆዳይ ሙሌራ ናምኡ ጼታኔ ኦስፑን ታማኔ ኦስፑና።

⁸ ኢስቲ ባንታ ኦሶ ሻኪ ኤራናስ ጪማኔ ና፥ ኣስታማሬኔ ታማሬ ጊ ሻኮንታ ኢሲ ጊና ሳማ ዬጊዳ።

⁹ ኮይሮ ሳማይ ኣሳፌ ባጋፌ ጊዲዳ ዮሴፌ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12፤ ናምኣን ሳማይ ጎዶሊያሳስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

¹⁰ ሄን ሳማይ ዛኩሬስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

¹¹ ኦይዳን ሳማይ ዬጺሬስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

¹² ኢቻሻን ሳማይ ናታኒያስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

¹³ ኡሱፑን ሳማይ ቡቂያስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

¹⁴ ላፑን ሳማይ ኣሼርኤሌስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

¹⁵ ኦስፑን ሳማይ ዬሻኢያስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

¹⁶ ኡዱፉን ሳማይ ማታኒያስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

¹⁷ ታማን ሳማይ ሺምኤስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

¹⁸ ታማኔ ኢሲን ሳማይ ኣዛሪኤሌስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

¹⁹ ታማኔ ናምኣን ሳማይ ሃሻቢያስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

²⁰ ታማኔ ሄን ሳማይ ሼቡኤሌስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

²¹ ታማኔ ኦይዳን ሳማይ ማቲቲያስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

²² ታማኔ ኢቻሻን ሳማይ ያርሞቴስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

²³ ታማኔ ኡሱፑን ሳማይ ሃናኒያስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

²⁴ ታማኔ ላፑን ሳማይ ዮሺባቃሼስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

²⁵ ታማኔ ኦስፑን ሳማይ ሃናኔስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

²⁶ ታማኔ ኡዱፉን ሳማይ ማሎታስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

²⁷ ናምኡ ታማን ሳማይ ኤልኣታስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

²⁸ ናምኡ ታማኔ ኢሲን ሳማይ ሆቲሬስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

²⁹ ናምኡ ታማኔ ናምኣን ሳማይ ጊዶልቴስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

³⁰ ናምኡ ታማኔ ሄን ሳማይ ማሂዚኦቴስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።

³¹ ናምኡ ታማኔ ኦይዳን ሳማይ ኤሮማምቴ-ኤዜሬስ፥ ኢዛ ናይታሲኔ ኢዛ ዳቦታስ ኬዚዴስ፤ ኢስታስ ቆዳይ 12።