يَحُودَ 1 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ1 مِنْ وٛنِ يَحُودَ، مَشُّطٛ يٜىٰسُ اَلْمَسِيحُ، مِݧِرَاوٛ يَاکُبُ؞ مِ وِنْدَنْعٛنْ طٜرٜوٛلْ نغٛعٛلْ، اٛنٛنْ ٻٜ اَللَّه ݧَاکٛ مٛ دٛوْ يِطِ نٛدِّ، ٻٜ يٜىٰسُ اَلْمَسِيحُ سُرَنْتَ؞ 2 يُرْمٜىٰندٜ اٜ جَمْ اٜ يِدّٜ ٻٜيْدَنٛوعٛنْ؞ مٛودِٻّٜ فٜوْرٜ 3 اٛنٛنْ ٻٜ نغِطُمِ، غٛونغَ اٜ مِ يِطُنٛو مِ وِنْدٛنٛيَعٛنْ دٛوْ کِسْندَمْ مٜىٰطٜنْ اٜنْ فُو؞ اَمَّا مِ يِعِي اٜ حَانِ مِ وِنْدٛنٛيَعٛنْ نغَمْ مِ سٜمْبِطِنَعٛنْ نغَطٛنْ کٛ مبَاوٛتٛنْ وَطُکِ ندٜىٰنٛنْ اٜکِّتِنٛلْ نغٛلْ اَللَّه حٛکِّعٜنْ ندٜ غٛعٛ تَنْ؞ 4 مِ وِعُ طُعُمْ نغَمْ وٛٻّٜ يِمْٻٜ نَتِّي ندٜرْ مٛوطٛنْ اٜ سُوطٜ؞ ٻٜ کُلَتَا اَللَّه، اٜ ٻٜ مبِعَ اَللَّه يَافَنْتٛعٜنْ حَکّٜ، نغَمْ نٛنْ اٜنْ نغَطُ کَ وَطُکِ حَکّٜ؞ ٻٜ نغَݧِي مَوْطٛ مٜىٰطٜنْ جٛومِرَاوٛ مٜىٰطٜنْ غٛعٛتٛ تَنْ مٛ نغٛودُطٜنْ، يٜىٰسُ اَلْمَسِيحُ؞ اَايَاجٜ بِنْدَاطٜ کٛ نٜىٰٻِ مبِعِ طُمْ تَپَنَيْٻٜ کِيتَ کَلُّکَ؞ 5 کٛو ندٜ اٛنْ نجَادَکٜ اٛنْ اَنْدِ فُو فِي طُعُمْ، اٜ مِ يِطِ مِ سِفْتٛرَنَعٛنْ وِيکِ جٛومِرَاوٛ حِسْنِي يِمْٻٜ اِسْرَاعِيلَ دَغَ لٜيْدِ مَسَرْ؞ اَمَّا غَطَ طٛنْ اٛ حَلْکِي ٻٜ کٛولَاکِمٛ؞ 6 شِفْتٛرٜىٰ مَلَاعِکَعٜنْ ٻٜ شُرَايِ مَنْغُ لَامُ مَٻّٜ، اَمَّا ٻٜ اَلِ تٛ ٻٜ نجٛوطِي؞ اَللَّه سُرِيٻٜ حَٻِّرِٻٜ ٻٛغِّ نجَمْندِ طِ حَا اَبَدَا ندٜرْ ݧِوْرٜ کَلُّندٜ اٜ ٻٜ مَٻِّي نَا ݧَلْندٜ مَوْندٜ ندٜ کِيتَ؞ 7 نٛنْ مَا، يِمْٻٜ غَرِيجٜ سٛدٛمْ اٜ غٛمٛورَ اٜ غَرِيجٜ غٛنْطٜ حَادٜ مَاجٜ ٻٜ نَتِّنِ کٛعٜ مَٻّٜ وَطُکِ کُوطٜ نٜفْنِيطٜ بٛ لُوطُ اٜ نجٜىٰنُ؞ نغَمْ نٛنْ ٻٜ کَلْکِرَامَ حِيتٜ نغٜ ݧِفَتَا حَا اَبَدَا نغَمْ طُمْ وَرْتَ مِسَالُ تٛ کٛو مٛيٜ؞ 8 نٛنْ مَا، نَتُّٻٜ ندٜرْ مٛوطٛنْ ٻٜنْ اٜ ٻٜ مبٛنَّ ٻَلِّ مَٻّٜ نغَمْ اٜ ٻٜ مبِعَ طُمْ وِعِيٻٜ ٻٜ نغَطَ نٛنْ ندٜرْ کٛيْطٛلْ؞ اٜ ٻٜ نغَݧَ تٛکُّکِ لَامِيٻٜ، اٜ ٻٜ کُطَ مَلَاعِکَعٜنْ اَللَّه؞ 9 کٛو مِيکَاعِلُ اَرْدِيطٛ مَلَاعِکَعٜنْ وَطَايِ نٛنْ؞ اٜ شَرٜلْ کٛ اٛ يٜدّٛوتِرْتَ اٜ شٜيْطَنْ دٛوْ ٻَنْدُ مُوسَ کٛ مَايِ، اٛ مَوْنِنَايِ حٛورٜ مَاکٛ اٛ حَٻَنَ شٜيْطَنْ ندٜرْ حَالَ ٻَلٜحَ؞ کٛ اٛ وِعِ تَنْ وٛنِ، «جٛومِرَاوٛ حَٻَنْمَا!» 10 اَمَّا يِمْٻٜ ٻٜنْ طٛنْ اٜ ٻٜ کُطَ فُو کٛ ٻٜ ڤَامَايِ؞ اٜ ٻٜ نغَطَ کٛ ٻَلِّ مَٻّٜ نغِطِ بٛ مَرْلٜ لَدّٜ؞ کَنْجُمْ وٛنِ کٛ يَارَتَٻٜ ندٜرْ حَلْکٜرٜ؞ 11 ٻٜ مبٛنِي! ٻٜ تٛکِّي نغِکُّ کَيِنُ؞ ٻٜ نَتِّي اِرِ مَجّٜرٜ بَلَعَمُ نغَمْ سُونٛ شٜىٰدٜ؞ نٛنْ نٛ کٛورَ وَݧِرِ کٛ اَللَّه وِعِ، نٛنْ کَمْٻٜ مَا ٻٜ نغَݧِرِ کٛ اَللَّه وِعِ؞ نغَمْ نٛنْ، ٻٜ کَلْکَيْ؞ 12 يِمْٻٜ ٻٜنْ طٛنْ اٜ ٻٜ شٜمْتِنَعٛنْ شَرٜلْ نغٜلْ ٻٜ ݧَمْدَتَ اٜ مٛوطٛنْ اَمَّا کَمْٻٜ ٻٜ سٜمْتَتَا، اٜ ٻٜ ندُرَ کٛعٜ مَٻّٜ تَنْ؞ اٜ ٻٜ نَنْدِ اٜ اِيٜىٰندٜ ندٜ حٜنْدُ حٛشِّ ندِيَمْ تٛٻَايِ؞ اٜ ٻٜ نَنْدِ اٜ لٜطّٜ طٜ ندِمَتَا کٛو اٜ شَرٜلْ رِمُکِ، طٛوفَاطٜ، بَاتُطٜ؞ 13 اٜ ٻٜ نَنْدِ اٜ غٜىٰلٛوطِ ندِيَمْ مَايٛ، کٛ سٜمْتِنِي طُمْ ٻٜ نغَطِ اٜ اُمّٛو بٛ غُوفٜ؞ اٜ ٻٜ نَنْدِ اٜ کٛودٜ غِيلٛتٛوطٜ، طُمْ سِرْيَنَکٜٻٜ ݧِوْرٜ کَلُّندٜ حَا اَبَدَا؞ 14 اٜنٛکْ دَݧَاطٛ جَامَنُوجِ جٛوٜىٰطِطِ غَطَ اَادَمُ، اٛ وَطِي اَنَّبَاکُ دٛوْ مَٻّٜ، اٛ وِعِي، «رَطُّمْ، جٛومِرَاوٛ وَرْدَيْ اٜ مَلَاعِکَعٜنْ مُوطُمْ ٻٜ لِمَتَاکٛ، 15 نغَمْ اٛ وَطَنَ کٛو مٛيٜ کِيتَ؞ اٛ تَپَنَ فُو ٻٜ تٛکَّايِ اَللَّه کِيتَ نغَمْ کُوطٜ مَٻّٜ طٜ شِيَ کُلٛلْ اَللَّه طٜ ٻٜ نغَطِ، اٜ فُو حَالَاجِ کَلُّطِ طِ غَطٛوٻٜ حَکّٜ ٻٜ کُلَتَا اَللَّه مٜتِ دٛوْ مَاکٛ؞» 16 ٻٜعٜ يِمْٻٜ ٻٜ مٜتِتٛتٛوٻٜ، کٛو ندٜيٜ اٜ ٻٜ نغِعَ بٛوفٛلْ وٛٻّٜ؞ اٜ ٻٜ تٛکَّ سُونٛوجِ مَٻّٜ کَلُّطِ؞ اٜ ٻٜ مٜتَ حَالَاجِ مَوْنِنْکِ کٛعٜ مَٻّٜ، اٜ ٻٜ مٜتَنَ يِمْٻٜ حَالَاجِ بٜلْطِ نغَمْ ٻٜ کٜٻَ کٛ ٻٜ نغِطِ؞ وَغِّنْکِ 17 اَمَّا اٛنٛنْ ٻٜ نغِطُمِ، تٛع اٛنْ نغٜجُّتُ کٛ لِلَاٻٜ جٛومِرَاوٛ مٜىٰطٜنْ يٜىٰسُ اَلْمَسِيحُ مبِعُنٛو؞ 18 ٻٜ مبِعِيعٛنْ، «اٜ بَلْطٜ رٜعُکِ دُونِيَارُ يِمْٻٜ جُکِّتٛوٻٜ مبُرْتٛيْتٛ، تٛکِّرَنٛوٻٜ سُونٛ مَٻّٜ کَلُّنغٛ نغٛ شِيَ کُلٛلْ اَللَّه؞» 19 کَمْٻٜ نغٛنِ غَدّٛوٻٜ سٜنْدِرْکِ حَکُّندٜ تٛکُّٻٜ يٜىٰسُ؞ يِمْٻٜ ٻٜنْ ٻٜ تٛکّٛوٻٜ کٛ ٻَلِّ مَٻّٜ نغِطِ؞ ٻٜ نغَلَا رُوحُ اَللَّه؞ 20 اَمَّا اٛنٛنْ ٻٜ نغِطُمِ، شٜمْبِطِنٜىٰ کٛعٜ مٛوطٛنْ دٛوْ حٛولَارٜ مٛوطٛنْ شٜنِيندٜ؞ نغَطٜىٰ دٛعَارٜ ندٜرْ بَوْطٜ رُوحُ اَللَّه؞ 21 نجٛوطٜىٰ ندٜرْ يِدّٜ ندٜ اَللَّه وَطَنِعٜنْ، کٜطٛوطٛنْ يُرْمٜىٰندٜ جٛومِرَاوٛ مٜىٰطٜنْ يٜىٰسُ اَلْمَسِيحُ کٛکَّيْندٜ يٛنْکِ کِ رٜعَتَا؞ 22 نجُرْمِنَنٜىٰ غٛودُٻٜ سٜکٛ؞ 23 کِسْنٜىٰ وٛٻّٜ بٛ اٛنْ مبُرْتِنَٻٜ دَغَ ندٜرْ حِيتٜ؞ وٛٻّٜ بٛو نجُرْمِنَنٜىٰٻٜ اٜ کُلٛلْ؞ اَمَّا نغَݧٜىٰ حَا مَا کٛلْتٜ مَٻّٜ طٜ سُونٛ مَٻّٜ نغٛ حَکّٜ وٛنِّ؞ دٛعَارٜ شَکِتِيندٜ 24 يٜتّٛورٜ تَبِّتَ تٛ بَاوَيْطٛ سُرُکِعٛنْ تٛع نجَنٛنْ، اٛ وَدَّعٛنْ يٜىٰسٛ تٜدُّنغَلْ مَاکٛ اٛنْ نغَلَا غٛطُّمْ کٛ وٛوطَا، اٛنْ نَنَيْ بٜلْطُمْ نَاع سٜطَّ؞ 25 کَنْکٛ تَنْ وٛنِ اَللَّه، کَنْکٛ بٛو وٛنِ کِسْنٛووٛعٜنْ بَرْکَ جٛومِرَاوٛ مٜىٰطٜنْ يٜىٰسُ اَلْمَسِيحُ؞ تٜدُّنغَلْ، اٜ مَنْغُ، اٜ بَوْطٜ، اٜ لَامُ تَبِّتَ تٛ مَاکٛ دَغَ فُطّٛودٜ اٜ جٛونِ اٜ حَا اَبَدَا! اَامِنْ؞ |
© 2011, Bible League, All rights reserved.
Wycliffe Bible Translators, Inc.