اِبْرَانِيَنْکٛعٜنْ 4 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

¹ ندٜ اَلْکَوَلْ نغَلْ اَللَّه وَطَنِعٜنْ نغَلْ نَتُّکِ تٛ اٛ سِوْتِنْتَعٜنْ اٜ طٛنْ، اٜنْ ڤَامُ، تٛع غٛطّٛ مٛوطٛنْ دُلَّ نَتُّکِ سِوْتَارٜ ندٜنْ؞

² نغَمْ اٜنْ نَنِي حَبَرُ بٜلْطُمْ، نٛنْ نٛ ٻٜ نَنِرِطُمْ؞ اَمَّا کٛ ٻٜ نَنِ طُمْ نَفَايِٻٜ، نغَمْ شَرٜلْ نغٜلْ ٻٜ نَنِطُمْ، ٻٜ نجَٻَايِطُمْ؞

³ نغَمْ اٜنٜنْ کٛولِيٻٜ اَللَّه اٜنٜنْ نغٛنِ نَتّٛوٻٜ سِوْتَارٜ ندٜنْ طٛنْ؞ نٛنْ نٛ اَللَّه وِعِ، ‏«‏مِ مٛنِّي مِ حُنَکٜ مِ وِعِ، ‏‹‏ٻٜ نَتَّتَا تٛ شِوْتِنَيْمِٻٜ!‏›‏ »‏ اٛ وِعِي نٛنْ کٛو ندٜ اٛ يٛتِّنِ سِرْيَاکِ کٛو طُمٜ دَغَ شَرٜلْ کٛ اٛ تَغَتَ دُونِيَارُ؞

⁴ نغَمْ بَنْݧٜ ندٜرْ دٜفْتٜرٜ شٜنِيندٜ اَللَّه مٜتِي دٛوْ ݧَلْندٜ جٛوٜىٰطِطَوْرٜ وِيکِ، ‏«‏ݧَلْندٜ جٛوٜىٰطِطَوْرٜ اَللَّه سِوْتِي دَغَ فُو کُوغَلْ مُوطُمْ؞»‏

⁵ ندٜنْ طُمْ فُطِّتِي طُمْ مٜتِي دٛوْ مَاجُمْ وِيکِ، ‏«‏ٻٜ نَتَّتَا تٛ شِوْتِنَيْمِٻٜ؞»‏

⁶ ٻٜنْ طٛنْ اَرْتُٻٜ نَنْکِ حَبَرُ بٜلْطُمْ ٻٜ کٜٻَايِ نَتُّکِ سِوْتَارٜ ندٜنْ طٛنْ نغَمْ ٻٜ نغَطَايِ کٛ اَللَّه وِعِ؞ اَمَّا اٜ وٛودِ وٛٻّٜ ٻٜ طُمْ اَلَتَ نَتَّ؞

⁷ اَللَّه فُطِّتِي وَطِي وٛنْدٜ ݧَلْندٜ اٛ نٛدِّرِندٜ، ‏«‏حَنْدٜ؞»‏ غَطَ دُوٻِ طُطِّ اٛ مٜتِرِي حٛنْدُکٛ دَوْدَ دٛوْ مَاجُمْ ندٜرْ اَايَارٜ ندٜ نَنُنٛوطٜنْ بِيندٜ، ‏«‏حَنْدٜ، تٛ اٛنْ نَنِي حٛنٛنْدٜ اَللَّه، تٛع اٛنْ شَاتِنْ ٻٜرْطٜ مٛوطٛنْ؞»‏

⁸ دَا جٛوشُوَ نَتِّنِينٛ يِمْٻٜ سِوْتَارٜ ندٜنْ، دَا اَللَّه فُطِّتَايِ مٜتِ دٛوْ وٛنْدٜ ݧَلْندٜ سِوْتَارٜ؞

⁹ نٛنْ حٛلِّي حَا جٛونِ اٜ وٛودِ وٛنْدٜ سِوْتَارٜ نغَمْ يِمْٻٜ اَللَّه؞

¹⁰ نغَمْ کٛو مٛيٜ نَتُّطٛ سِوْتَارٜ ندٜ اَللَّه وَطِ اَلْکَوَلْ، اٛ سِوْتٛتٛ دَغَ کُوطٜ مَاکٛ، نٛنْ نٛ اَللَّه سِوْتٛرِي دَغَ کُوطٜ مُوطُمْ؞

¹¹ نغَمْ نٛنْ اٜنْ نغَطُ کٛ مبَاوٜتٜنْ وَطُکِ نغَمْ نَتّٜنْ سِوْتَارٜ ندٜنْ طٛنْ؞ تٛع غٛطّٛ مٜىٰطٜنْ وَطَ نٛ ٻٜنْ تٛنْ، وَݧَ کٛ اَللَّه وِعِ دُلَّ سِوْتَارٜ ندٜنْ؞

¹² وٛلْدٜ اَللَّه اٜ وٛودِ يٛنْکِ اٜ ندٜ حُوَ، ندٜ ٻُرِي کٛو کِيٜ کَافَحِ وٜلْکِ؞ اٜ ندٜ تَپَ حَا ندٜ سٜنْدَ يٛنْکِ اٜ ٻٜرْندٜ، ندٜ سٜنْدَ جٛکّٛوطٜ اٜ مبٛرْٻٛوندِ؞ اٜ ندٜ سٜنْدَ سُونٛوجِ اٜ ݧُمٛوجِ ٻٜرْندٜ بٛطِّ اٜ طِ مبٛوطَا؞

¹³ ندٜرْ فُو کٛ تَغَا، وَلَا کٛ سُوطِي تٛ اَللَّه؞ کٛو طُمٜ اٜ نجَيْرِ طُمْ وٛنِ، اٜ طُمْ مَٻِّتِي يٜىٰسٛ مَاکٛ؞ ندٜنْ دٛولٜ کَنْکٛ مبِعٜتٜنْ فُو کٛ نغَطّٜنْ؞

مَوْطٛ مَوْٻٜ اَرْدِيٻٜ دِينَ ٻُرْطٛ کٛو مٛيٜ

¹⁴ ندٜ اٜنْ نغٛودِ مَوْطٛ مَوْٻٜ اَرْدِيٻٜ دِينَ جَاطٛ دٛوْ حَا يٜىٰسٛ اَللَّه، وَاتٛ يٜىٰسُ، ٻِطّٛ اَللَّه، اٜنْ نجٛغٛ کٛ کٛولِيطٜنْ بٛطُّمْ؞

¹⁵ مَوْطٛ مَوْٻٜ اَرْدِيٻٜ دِينَ مٛ نغٛودُطٜنْ نَاع اٛ غٛطّٛ مٛ وَاوَتَا يُرْمِنَنْکِعٜنْ اٜنٜنْ تَمْڤُٻٜ؞ اَمَّا اٛ فٛوندَامَ اٜ کٛو نغٛلٜ لَاوٛلْ نٛ طُمْ فٛوندِرْتَعٜنْ، فُو اٜ نٛنْ اٛ وَطَايِ حَکّٜ؞

¹⁶ نغَمْ نٛنْ، اٜنْ نغَطُ سٜمْبٜ ٻٜرْندٜ ٻَدّٛوطٜنْ جٛوطٛرْغَلْ لَامُ اَللَّه جٛومُ يِدّٜ، نغَمْ کٜٻٜنْ يُرْمٜىٰندٜ اٜ يِدّٜ بَلَّيْندٜعٜنْ اٜ شَرٜلْ نغٜلْ نغِطّٜنْدٜ؞