اِبْرَانِيَنْکٛعٜنْ 1 - اَلْکَوَلْ کٜسَلْ ندٜرْ فُلْفُلْدٜ شَکَ نَاجٜىٰرِيَ

اَللَّه مٜتِرِي ٻِطّٛ مُوطُمْ

¹ ندٜنّٛ اَللَّه مٜتَنِي مَامَعٜنْ مٜىٰطٜنْ ندٜ طُطُّمْ اٜ طَتٜ طُطّٜ دَغَ کٛنْدُطٜ اَنَّبٛعٜنْ؞

² اَمَّا ندٜرْ بَلْطٜ طٜعٜ طٜ رٜعُکِ دُونِيَارُ اٛ مٜتِرَنِيعٜنْ ٻِطّٛ مَاکٛ، مٛ اٛ سُٻِ وَرْتَ دٛنٛووٛ کٛو طُمٜ؞ طٛنْمَا بَرْکَ مَاکٛ اَللَّه تَغِ دُونِيَارُ؞

³ اٜ مٛ حٛلَّ جَيْنغٛلْ تٜدُّنغَلْ اَللَّه، ندٜنْ ندٜرْ کٛو طُمٜ اٜ مٛ نَنْدِ اٜ اَللَّه؞ اٜ مٛ جٛغٛرِي کٛو طُمٜ وٛلْدٜ مَاکٛ غٛودُندٜ بَوْطٜ؞ غَطَ اٛ وَطِي لَاوٛلْ يَافَاکِ حَکّٜ، اٛ جٛوطِي تٛنْ دٛوْ تٛ جُنْغٛ ݧَامٛ نغٛ اَللَّه جٛومُ مَنْغُ؞

نٛ يٜىٰسُ ٻُرْدِ مَلَاعِکَعٜنْ

⁴ اَللَّه حٛکِّي ٻِطّٛ مُوطُمْ لَامُ ٻُرْطُمْ طُمْ مَلَاعِکَعٜنْ، نٛنْ نٛ اِنْدٜ ندٜ اَللَّه حٛکِّمٛ ندٜ ٻُرِي اِنْطٜ مَٻّٜ؞

⁵ نغَمْ اَللَّه مٜىٰطَايِ وِيکِ غٛطّٛ مَلَاعِکَاجٛ، ‏«‏اَنْ، اَ ٻِطّٛ اَمْ، حَنْدٜ مِ وَرْتِي ݧَاکٛ مَاطَ؞»‏ طٛنْمَا اَللَّه مٜىٰطَايِ مٜتِ دٛوْ غٛطّٛ مَلَاعِکَاجٛ وِعِ، ‏«‏مِ وَرْتَيْ ݧَاکٛ تٛ مَاکٛ، ندٜنْ اٛ وَرْتَيْ ٻِطّٛ تٛ اَمْ؞»‏

⁶ اَمَّا ندٜ اَللَّه سِرْيِي لِلَ ٻِطّٛ مُوطُمْ اَفٛ ندٜرْ دُونِيَارُ، اٛ وِعِي، ‏«‏فُو مَلَاعِکَعٜنْ اَللَّه دٛولٜ مَوْنِنَمٛ؞»‏

⁷ دٛوْ مَلَاعِکَعٜنْ بٛو، اٛ وِعِي، ‏«‏اَللَّه وَطِي مَلَاعِکَعٜنْ مُوطُمْ نغَرْتَ بٛ حٜنْدُ، ندٜنْ اٛ وَطِي مَشُّٻٜ مَاکٛ نغَرْتَ بٛ طٜمْطٜ حِيتٜ؞»‏

⁸ اَمَّا اٛ وِعِي ٻِطّٛ اٛنْ، ‏«‏يَا اَللَّه، لَامُ مَاطَ تَبِتَيْ حَا اَبَدَا اَبَدِنْ؞ اَادِلَاکُ وٛنِ سَوْرُ ندُ لَامٛرْتٛطَا يِمْٻٜ مَاطَ؞

⁹ اَ يِطِ اَادِلَاکُ، اَ وَݧِي کٛ وٛوطَا؞ کَنْجُمْ وَطِ مِنْ، اَللَّه مَاطَ، شُٻُمَامِ نغَطُمِ کٜٻُطَا مَنْغُ غَدَّيْطُمْ نَنُکِ بٜلْطُمْ ٻُرْطُمْ طُمْ ٻٜ نغٛنْدُطَا؞»‏

¹⁰ طٛنْمَا اٛ وِعِي، ‏«‏اَنْ جٛومِرَاوٛ، دَغَ اَرَنْدٜ اَنْ تَغِ دُونِيَارُ ندُعُ، اٜ جُوطٜ مَاطَ نغَطِرْطَا دٛوْ؞

¹¹ طُمْ رٜعَيْ، اَمَّا اَنْ اَ تَبٛتٛ؞ طُمْ فُو طُمْ حِيطَيْ بٛ کٛلْتٜ؞

¹² اَ تَغَّيْطُمْ بٛ شُدَّارِ، طُمْ وَيْلِتَيْطُمْ نٛ طُمْ وَيْلِتِرْتَ کٛلْتٜ؞ اَمَّا اَنْ، اَ طٛنْ نٛ نغٛنْتِندِرْطَا، حَا اَبَدَا دُوٻِ مَاطَ نغَلَا کٜىٰرٛلْ؞»‏

¹³ اَللَّه مٜىٰطَايِ وِعُکِ غٛطّٛ مَلَاعِکَاجٛ، ‏«‏جٛوطَ تٛ جُنْغٛ ݧَامٛ اَمْ نَا مِ وَطِي وَݧْوَݧْٻٜ مَاطَ نغَرْتِي تٛ نجٛوَتَا کٛيْطٜ مَاطَ؞»‏

¹⁴ مَلَاعِکَعٜنْ طُمْ ٻٜيٜ؟ ٻٜ رُوحُوجِ کُوَنٛوجِ اَللَّه ٻٜ اٛ لِلَتَ نغَمْ مبَلَّ کٜٻَيْٻٜ کِسْندَمْ؞