Vakatekivu 10 - Ai Vola Tabu (Vakadewa Makawa Vakavoutaki 2021)

Na Nodratou Kawa na Luvei Noa

¹ Sa vakaoqo na veimataqali ni luve i Noa, ko Semi, ko Ame, kei Jefeca; ka sa sucu na luvedratou tagane, ni sa oti na waluvu.

² A luve i Jefeca; ko Komera, kei Mekoki, kei Metai, kei Javana, kei Tupali, kei Meseki, kei Tairasa.

³ Ia na luve i Komera; ko Asikenasa, kei Rifaca, kei Tokama.

⁴ Ia na luve i Javana; ko Ilaisa, kei Tasisi, kei Kitimi, kei Totenimi.

⁵ Sa votai vei ira oqo na nodra veiyanuyanu na veimatanitu e na nodra veivanua; a tamata yadua me vaka na nodra duivosavosa, ka vaka na nodra veimataqali, e na nodra veimatanitu.

⁶ Ia na luve i Ame; ko Kusa, kei Misireimi, kei Futi, kei Kenani.

⁷ Ia na luve i Kusa: ko Sepa, kei Avila, kei Sapita, kei Reama kei Sapiteka. Ia na luve i Reama: ko Sepa kei Titana.

⁸ A sa sucu ko Nimiroti na luve i Kusa; sa vakatekivu ko koya me tamata kaukauwa e vuravura.

⁹ Sa yaco ko koya me tamata gumatua e na mata i Jiova e na dauvakasasa manumanu e yavai va; o koya oqo sa dautukuni kina, “Sa vakataki Nimiroti, ko koya na tamata gumatua e na mata i Jiova e na dauvakasasa manumanu e yavai va.”

¹⁰ Ia nai tekivu ni nona matanitu ko Pepeli, kei Ireki, kei Akata, kei Kaline, e na vanua ko Saina.

¹¹ Sa lako tani yani ko koya mai na vanua ko ya ki Asiria, a sa tara na koro ko Ninive, kei na koro ko Riopoci, kei Kela,

¹² kei Risini, e na maliwa kei Ninive vata kei Kela; ko ya na koro levu.

¹³ Ia na luve i Misireimi ko Lutimi, kei Anamimi, kei Leapimi, kei Nafituimi,

¹⁴ kei Pacirusimi, kei Kasiluimi, (sa tubu mai kina na kai Filisitia,) kei Kapitorimi.

¹⁵ Ia ko Kenani sa tama i Saitoni, na nona ulumatua, kei Eci,

¹⁶ kei ira na Jepusaiti, kei ira na Amoraiti, kei ira na Kakesaiti,

¹⁷ kei ira na Aivaiti, kei ira na Akaiti kei ira na Sainaite,

¹⁸ kei ira na Avataiti, kei ira na Semaraiti, kei ira na Amataiti, ia e muri era sa tete yani na veimataqali ni luve i Kenani.

¹⁹ Ia na nodra i yalayala na luve i Kenani sa tekivu mai Saitoni, e na sala ki Kira, ka yaco ki Qasa, e na sala sa lako vaka ki Sotoma, kei Komora, kei Atima, kei Sepoimi, ka yaco sara ki Lesa.

²⁰ Oqo na luve i Ame, me vaka na nodra veimataqali, kei na nodra duivosavosa, e na nodra veivanua, kei na nodra veimatanitu.

²¹ Ia ko Semi, sa tamadra kecega na luve i Iperi, na tuakai Jefeca, sa sucu talega eso na luvena.

²² A luve i Semi: ko Ilama, kei Asuri, kei Afakisati, kei Luti, kei Erami.

²³ Ia na luve i Erami: ko Usu, kei Uli, kei Keceri, kei Masi.

²⁴ Ia na luve i Afakisati ko Sela; ia na luve i Sela ko Iperi.

²⁵ Ia sa sucu na luve i Iperi e lewe rua na gone tagane: a yacana e dua ko Peleki, ni sa wase ko vuravura e na nona gauna; ia na yaca i tacina ko Jokitani.

²⁶ A sa luve i Jokitani ko Alimotati, kei Selefi, kei Esamaveci, kei Jera,

²⁷ kei Atorami, kei Usali, kei Tikila,

²⁸ kei Opali, kei Apimeeli, kei Sipa,

²⁹ kei Oferi, kei Avila, kei Jopapa; ko ira kecega oqo sa luve i Jokitani.

³⁰ Ia na nodra i tikotiko sa tekivu mai Mesa, mai na sala sa lakovi kina ki Sifari, e dua na ulunivanua mai na tokalau.

³¹ Oqo na luve i Semi, me vaka na nodra veimataqali, me vaka na nodra duivosavosa, e na nodra veivanua, me vaka na nodra veimatanitu.

³² Oqo na yavusa i Noa, me vaka na nodra veimataqali, e na nodra veimatanitu; a sa vota vei ira oqo na veimatanitu e vuravura, ni sa oti na waluvu.