Osea 5 - Ai Vola Tabu (Vakadewa Makawa Vakavoutaki 2021)

Na Cudru ni Kalou me Baleti Isireli kei Juta

¹ Dou rogoca na ka oqo, na bete! Dou vakarorogo, na vale i Isireli! Dou vakatudaliga mai, na lewe-ni-vuvale-ni-tui! Ni sa baleti kemudou na vosa ni veilewai; ni dou sai cori mai Misipa, kei na lawa sa tevuki mai Tepori.

² Ia me ra ia na veivakamatei na dauvuki sa titobu kina na nodra vere, ia koi au ka'u a dauvunauci ira kecega.

³ Oi au ka'u sa kilai ira na Ifereimi, ia ko ira na Isireli sa ra sega ni vuni vei au; ni dou sa qai ia na veibutakoci, koi kemudou na Ifereimi; sa vakadukadukalitaki ko ira na Isireli.

Sa Vunauca na Veibutakoci ko Osea

⁴ Sa ra sega ni lewa na nodra i tovo me ra lesu vua na nodra Kalou; ni sa tiko e lomadra na yalo ni dauveibutakoci, ka ra sa sega ni kilai Jiova.

⁵ Ia na nodra viavialevu na Isireli sa tukuni ira e na matanavotu; o koya oqo, era na bale kina e na nodra caka cala ko ira na Isireli kei ira na Ifereimi; ko ira na Juta era na bale vata talega kei ira.

⁶ Era na lako vata kei na nodra qele ni sipi kei na nodra qele ni bulumakau, me ra qarai Jiova, ka ra na sega ni kunei koya; sa lako tani vei ira ko koya.

⁷ Sa ra vakaisini Jiova; ni sa gone ni tani era sa vakasucuma. Sa vula dua ga era na qai vakaoti vata kei na nodra i votavota.

Na Veivala i Juta kei Isireli

⁸ Dou uvuca na koneti mai Kipea, kei na davui mai Rama. Tabalaka na kaila mai Peci-aveni; sa cicimuri iko, ko iko Penijamini!

⁹ Ena lala ko Ifereimi e na siga ni veicudruvi; ka'u sa vakatakila na ka dina vei ira na veiyavusa i Isireli.

¹⁰ O ira na turaga ni Juta era sa vakataki ira era kisira nai yalayala; ia ka'u na sovaraka na noqu cudru vei ira me vaka na wai.

¹¹ Sa ra vakasaurarataki na Ifereimi ka vorolaki e na veilewai, ni ra vinakata me ra muria nai vakaro.

¹² Ia koi au, ka'u na vaka na sarasara vei ira na Ifereimi, ka vaka nai vakavuca ki na vale i Juta.

¹³ Ni ra kunea na nodra mate ko ira na Ifereimi, kei na nodra mavoa ko ira na Juta, era sa qai lako ko ira na Ifereimi ki Asiria, ka talaki vua na tui Jerepi. Ka sa sega ni vakabulai kemudou rawa, ko koya, se vakamavotaka na nomudou vue.

¹⁴ Ni'u na vaka na laione vei ira na Ifereimi, ka vaka na laione sa gone ki na vale i Juta. Oi au, io koi au, ka'u na ia na veidresulaki ka lako tani; au na kauta tani, ka sega e dua me na kaliraki koya.

¹⁵ Au na la'ki lesu tale ki na noqu tikina, me ra vakatusa mada na nodra ca, ka goleva na mataqu. Ni ra sa rarawa, era na qai vakasaqarai au taudonu.