NA SAME 9 - Ai Vola Tabu (Vakadewa Makawa Vakavoutaki 2021)

Na Kaukauwa kei na Cakacaka Dodonu ni Kalou א Alefa

Vua nai liuliu ni sere: me baleti Muce-lapeni. A Same i Tevita.
א Alefa

¹ Au na vakavinavinaka vei Jiova e na yaloqu taucoko; au na tukuna kecega na nomuni cakacaka e veivakurabuitaki.

² Au na reki ka marautaki kemuni; au na seretaka na yacamuni, oi kemuni sa cecere sara.

ב Beta

ב Beta

³ Ni ra sa dro tani na noqu meca, era na bale ka rusa mai na matamuni.

⁴ Ni kemuni sa totaka e na vukuqu na ka dodonu kei na lewa; o ni sa tiko e nai tikotiko vakaturaga, ka sa ia na lewa dodonu.

ג Qimela

ג Qimela

⁵ O ni sa vunauci ira na veimatanitu, ko ni sa vakarusa na tamata ca; ko ni sa bokoca laivi sara na yacadra ka sega ni mudu.

⁶ Ko iko na meca, sa mudu sara na veivakarusai; ko ni a vaqeavutaka na veikoro; sa takali vata kei ira na nodra vakananumi.

ה He

ה He

⁷ Ia ko Jiova, ena tudei ga ka sega ni mudu; sa vakarautaka ko koya na nona i tikotiko me ia na veilewai.

⁸ Ena lewa na vuravura ko koya e na lewa dodonu; ena lewai ira na lewe ni veivanua e na yalododonu sara.

ו Vau/Wau

ו Vau/Wau

⁹ Ena yaco ko Jiova me nona uluvatu ko koya sa vakararawataki, na uluvatu e na gauna ni veivakacacani.

¹⁰ Era na vakararavi talega vei kemuni ko ira era sa kila na yacamuni, ni ko ni sa sega ni biuti ira era sa vakasaqarai kemuni, i Jiova.

ז Saini

ז Saini

¹¹ Dou sere vei Jiova, vei koya sa tiko mai Saioni! Tukuna vei ira na tamata na nona cakacaka!

¹² Ni sa taroga ko koya nai sau ni dra, sa nanumi ira; sa sega ni guilecava na nodra tagi era sa yalomalumalumu.

ח Xeta

ח Xeta

¹³ I Jiova, mo ni yalololoma mai vei au. Mo ni raica na ka rarawa sa yaco vei au mai vei ira era sa cati au; oi kemuni ka kauti au cake mai na matamata-ni-koro ni mate,

¹⁴ me'u tukuna kina na ka kecega ko ni sa vakacaucautaki kina, e na matamata-ni-koro ni goneyalewa ni Saioni, au na reki ni kemuni sa ia na veivakabulai.

ט Teca

ט Teca

¹⁵ Sa sikalutu na veimatanitu ki nai keli era kelia; e na lawa era sa vunia sa coriti kina na yavadra.

¹⁶ Sa kilai ko Jiova e na lewa sa kitaka ko koya; sa coriti na tamata ca e na cakacaka ni ligana. Sela

י Yota

י Yota

¹⁷ Ena vakasevi ki Eli ko ira na tamata ca, kei ira na lewe ni veivanua kecega era sa guilecava na Kalou.

כ Kofa

כ Kofa

¹⁸ Ni na sega ni guilecavi tikoga na tamata dravudravua, ena sega ni rusa laivi na ka era nuitaka na tamata yalomalumalumu.

¹⁹ I Jiova, mo ni tucake! Me kakua ni gumatua na tamata; me ra lewai e matamuni ko ira na veimatanitu.

²⁰ I Jiova, mo ni vakarerei ira; me ra kilai ira na lewe ni veivanua ni ra sa tamata walega. Sela