NA SAME 82 - Ai Vola Tabu (Vakadewa Makawa Vakavoutaki 2021)

Na Vakamamasu me Caka na Lewa Dodonu

A Same i Esava.

¹ Sa tu na Kalou e na nodra i soqosoqo na kaukauwa; sa lewa ko koya e na kedra maliwa na kalou:

² “A cava na kena dede mo dou na lewa vakatawadodonu tiko kina ka totaki ira na tamata i valavala ca? Sela

³ Dou lewai ira vakavinaka na malumalumu kei na luveniyali; dou kitaka na ka e dodonu vei ira sa rarawa kei ira sa dravudravua.

⁴ Dou vakabula na vakaloloma kei na dravudravua; dou vakabulai ira mai na ligadra na tamata ca.”

⁵ Era sa sega ni kila, ka ra sega ni vuku rawa; era lako voli e na butobuto; sa yavala kecega na yavu kei vuravura.

⁶ Au a kaya, “Dou sa kalou, na luve i Koya sa Cecere Sara, koi kemudou kecega;

⁷ ia dou na mate ga me vaka na tamata, ka bale me vaka e dua na turaga.”

⁸ Mo ni tucake, na Kalou, mo ni lewai vuravura; ni kemuni na taukena na veimatanitu kecega!