NA SAME 81 - Ai Vola Tabu (Vakadewa Makawa Vakavoutaki 2021)

Na Vakamamasu ni Kalou vei Isireli

Vua nai liuliu ni sere: me vaka na Kitica. A nei Esava.

¹ Dou sere vakadomoilevu vua na Kalou na noda kaukauwa; dou reki vakadomoilevu vua na Kalou i Jekope.

² Lagata na same, ka kauta mai na tibereli, kei na api domo vinaka kei na soliteri.

³ Uvuca na davui e na vula vou, e na gauna sa loku, e na siga ni noda solevu.

⁴ Ni sa lesi na ka oqo vei ira na Isireli, a vunau mai vua na Kalou i Jekope.

⁵ Sa cakava na ka oqo mei vakadinadina vei ira na Josefa, ni sa lako tani voli mai na vanua ko Ijipita. Ka'u a rogoca e dua na vosa ka'u a sega ni kila:

⁶ “Au a laveta tani nai colacola mai na tabana; na ligamu sa sereki mai na basikete.

⁷ O a tagi ni ko a rarawa, ia ka'u a vakabulai iko; au a vosa vei iko mai na yasana vuni ni kurukuru; au a vakatovolei iko mai na wai mai Meripa. Sela

⁸ Dou vakarorogo, na noqu tamata, ka'u na tukutuku vei kemudou; I Isireli, kevaka ko na vakarorogo vei au!

⁹ Ena sega na kalou tani me tiko kei iko; ia mo kakua ni cuva ki na kalou ni kai tani.

¹⁰ Oi au ko Jiova na nomu Kalou, ka kauti iko tani mai na vanua ko Ijipita. Mo dalaga vakalevu, ia ka'u na vakamamautaki iko.

¹¹ “Ia na noqu tamata, era sa sega ni via rogoca na domoqu; ka sa sega ni vinakati au ko ira na Isireli.

¹² Ia ka'u a biuti ira me ra muria na nodra yalokaukauwa, ka ra sa muria na nodra lewa.

¹³ Ke ra sa vakarorogo mada vei au ko ira na noqu tamata, ka muria ga na noqu sala ko ira na Isireli!

¹⁴ Ka'u a qai vakamalumalumutaki ira vakusakusa na nodra meca, ka vakalesuya na ligaqu me'u veivala kei ira era sa vakararawataki ira.

¹⁵ O ira sa cati Jiova, era a qai soro vua, ia na nodra gauna na noqu tamata, sa na qai sega ni oti rawa.

¹⁶ Ia sa na qai vakani ira ko koya e na witi vinaka sara, ka vakamamautaki iko e na oni mai na uluvatu.”