NA SAME 76 - Ai Vola Tabu (Vakadewa Makawa Vakavoutaki 2021)

Na Kalou i Isireli — O koya sa Qaqa ka Lewa

Vua nai liuliu: kei nai yaya ni vakatagi vakawa. A Same i Esava. A Sere.

¹ Sa kilai e Juta na Kalou, sa levu na yacana mai Isireli.

² Ia sa tu mai Selemi na nona vale, kei na nona i tikotiko mai Saioni.

³ Sa musuka mai kina ko koya na gasau ni dakai, nai sasabai, kei nai seleiwau, kei nai valu. Sela

⁴ Oi kemuni ko ni sa rogo, ka ko ni sa levu vakaidina mai na veiulunivanua ni dauivalavala kaukauwa.

⁵ Sa kau tani na nodra i toki-ni-valu na qaqa; era sa moce lutu; ka sa sega ni rawa vei ira na kaukauwa, me laveta na ligadra.

⁶ E na nomuni veivunauci, na Kalou i Jekope, sa veilecayaki sara ko ira e na qiqi-ni-valu, kei ira sa vodo ose.

⁷ Oi kemuni, io, sai kemuni ga, sa rerevaki! O cei sa tu rawa e matamuni ni kemuni sa cudru mai?

⁸ O ni sa vakarogoya mai na nomuni lewa mai lomalagi; sa rere ko vuravura, ka sa tiko lo

⁹ ni sa tucake na Kalou me lewa, me vakabulai ira kecega era sa yalomalua e vuravura. Sela

¹⁰ Na cudru ni tamata sai koya kemuni na dokai dina kina, ia na kena vo ni cudru ko ni na vakadaroya.

¹¹ Dou bubului, ka vakayacora talega vei Jiova na nomudou Kalou; o ira kecega era tiko vakavolivoliti koya, me ra kauta mai na ka ni loloma vua sa dodonu me rerevaki,

¹² ena vakawaicalataka ko koya na lomadra na turaga, sa rerevaki ko koya vei ira na tui kei vuravura.