NA SAME 70 - Ai Vola Tabu (Vakadewa Makawa Vakavoutaki 2021)

A Masu ni Kere Veivuke e na Gauna ni Veivakararawataki

Vua nai liuliu. A nei Tevita, me baleta nai soro ni veivakananumi.

¹ Mo ni kusarawa, na Kalou, mo ni vakabulai au. Mo ni kusarawa, Jiova, ni vukei au!

² Me ra vakamaduataki ka taqaya era sa saga na yaloqu. Me ra vakalesui tale, ka vakamaduataki era sa via vakacacani au.

³ Me ra vakalesui tale mei sau ni nodra veivakamaduataki ko ira era sa kaya, “Sai koya! Sai koya!”

⁴ Me ra reki ka marautaki kemuni ko ira kecega era sa vakasaqarai kemuni. Me ra kaya tikoga ko ira kecega sa vinakata na nomuni veivakabulai, “Na Kalou sa cecere!”

⁵ Ia koi au ka'u sa malumalumu ka dravudravua; mo ni kusarawa mai vei au, na Kalou! Oi kemuni na noqu dauniveivuke kei na noqu i vakabula; I Jiova mo ni kakua ni berabera mai!