NA SAME 57 - Ai Vola Tabu (Vakadewa Makawa Vakavoutaki 2021)

Na Masu Vua na Kalou e na Gauna ni Rarawa

Vua nai liuliu ni sere: Kakua ni Vakarusa. A Mikitami i Tevita, ni sa drotaki Saula mai na qara vatu.

¹ Mo ni yalololoma mai vei au, na Kalou, mo ni yalololoma vei au, ni sa vakararavi vei kemuni na yaloqu; io, e ruku ni tabamuni ka'u na vakarurugi au kina, ka me oti mada na ka e veivakararawataki oqo.

² Au na tagi vei koya na Kalou Cecere Sara, vei koya na Kalou sa cakacaka tiko e na vukuqu.

³ Ena talaki mai lomalagi ko koya ka vakabulai au, mai na nona vosavakacaca ko koya sa via tilomi au. Sela Ena tala na nona loloma kei na nona dina na Kalou.

⁴ Sa tiko na yaloqu e na kedra maliwa na laione, au sa koto vata kei ira sa waqa tu na lomadra; io, kei ira na tamata sa moto ga ka gasau ga na batidra, ka sai seleiwau gata na yamedra.

⁵ Mo ni cecere, na Kalou, ka me lolovira ko lomalagi. Me cecere cake na nomuni ukuuku ki vuravura taucoko.

⁶ Era sa birika na lawa me tao kina na yavaqu; sa roko-lako na yaloqu. Era sa kelia nai keli e mataqu, ka ra sa lutu kina ko ira. Sela

⁷ Sa dei na yaloqu, na Kalou, sa dei na yaloqu. Au na sere ka vakavinavinaka.

⁸ Mo yadra mai, na noqu i ukuuku! Drau yadra mai, na soliteri kei na api! Au na yadra mai ni sa mataka caca tu.

⁹ Au na vakavinavinaka, vei kemuni na Turaga, e na veimataqali; au na sere vei kemuni e na kedra maliwa na veimatanitu.

¹⁰ Ni sa yacova na lomalagi na kena levu ni nomuni loloma; ka sa yacova na o na nomuni dina.

¹¹ Mo ni cecere, na Kalou, ka me lolovira ko lomalagi. Me cecere cake na nomuni ukuuku ki vuravura taucoko.