NA SAME 42 - Ai Vola Tabu (Vakadewa Makawa Vakavoutaki 2021)

Ai Karua ni i Vola ( Same 42—72 ) A Masu ni Vakasaqaqara Bula e na Gauna ni Leqa

Vua nai liuliu ni sere. A nodra Masikili na luve i Kora.

¹ Me vaka sa tagica na wai drodro na me kila, sa vakakina na yaloqu ni sa tagici kemuni na Kalou.

² Sa viagunu vua na Kalou na yaloqu, io vua na Kalou bula. Au na rairai ninaica e na mata ni Kalou?

³ A qau kakana tiko na wai ni mataqu e na siga kei na bogi, ni ra kaya tikoga vei au, “Evei na nomu Kalou?”

⁴ Au sa nanuma na veika oqo, ni'u sa sovaraka na yaloqu: na sala ka'u a lako vata kina kei ira na le vuqa, ka'u a liutaki ira yani ki na vale ni Kalou e na domo ni reki kei na vakavinavinaka, kei ira na le vuqa era ia na solevu tabu.

⁵ Na yaloqu, o sa bibi lako e na vuku ni cava, se na vuku ni cava ko sa nuiqawaqawa e lomaqu? Mo nuitaka na Kalou, ni'u na vakavinavinaka tale vua, ni sa noqu vu ni bula na matana.

⁶ Noqu Kalou, sa bibi lako na yaloqu e lomaqu; o koya oqo ka'u na nanumi kemuni kina e na vanua ko Joritani kei na nodra na kai Erimoni, mai na Ulunivanua ko Maisa.

⁷ Sa kaciva na wasa titobu na wasa titobu ni sa kere na nomuni savu; sa sevi au na nomuni biau kece kei na nomuni biau tubu kecega.

⁸ Ia ena lewa ga ko Jiova na nona yalololoma me yaco mai kei na siga, ia e na bogi ena tu ga vei au na nona sere, kei na noqu masu vua na Kalou ni noqu bula.

⁹ Au na kaya vua na Kalou, na noqu uluvatu: “O ni sa guilecavi au e na vuku ni cava? A cava ka'u sa tagi voli kina ka ni ra sa vakasaurarataki au na meca?”

¹⁰ Sa vaka nai seleiwau e na suiqu na nodra vakasewasewani au na noqu meca, ni ra tarogi au e na veisiga, “Evei na nomu Kalou?”

¹¹ Na yaloqu, o sa bibi lako e na vuku ni cava, ka ko sa nuiqawaqawa e lomaqu e na vuku ni cava? Mo nuitaka na Kalou; ni'u na vakavinavinaka tale vua, na vu ni bula ni mataqu kei na noqu Kalou.