NA SAME 14 - Ai Vola Tabu (Vakadewa Makawa Vakavoutaki 2021)Na Nodra Ca na Tamata i Valavala Ca ( Same 53 ) Vua nai liuliu ni sere. A nei Tevita. 1 Sa kaya e lomana na tamata lialia, “Sa sega na Kalou.” Era sa ca sara, era sa kitaka nai valavala velavela; sa sega e dua sa caka vinaka. 2 Sa rai sobu mai lomalagi ko Jiova kivei ira na tamata me raica se dua sa kila, se vakasaqara na Kalou. 3 Era sa lesu tani vata kecega, era sa yaco me ra velavela; sa sega e dua sa caka vinaka, sa sega sara e dua. 4 Sa sega beka na vuku vei ira kece era daukitaka nai valavala ca? O ira era sa kania na noqu tamata me vaka era kana madrai, ka ra sa sega ni masu vei Jiova. 5 Era a rere vakalevu mai kea; ni sa tiko na Kalou kei na nodra kawa na tamata yalododonu. 6 Dou sa vakalialia na lewa ni tamata dravudravua, ia sa nona i drodro ko Jiova. 7 Me lako kusarawa mada mai Saioni nai vakabula ni Isireli! Ni na kauti ira tale mai ko Jiova na nona tamata era vakabobulataki, ena qai reki ko ira na Jekope, ka marau ko ira na Isireli. |