NA SAME 122 - Ai Vola Tabu (Vakadewa Makawa Vakavoutaki 2021)

Me Vakacaucautaki ko Jerusalemi

A Sere ni cabecabe. A nei Tevita.

¹ Au a reki ni ra kaya vei au, “Tou mai lako ki na vale i Jiova!”

² Ena tu na yava i keimami e loma ni nomu matamata-ni-koro, Jerusalemi.

³ Ko Jerusalemi—sa tara me dua na koro ka sa vauci vata vakavinaka sara.

⁴ Era sa lako cake kina na veiyavusa, na veiyavusa i Jiova, nai lesilesi vei ira na Isireli, me ra ia na vakavinavinaka ki na yaca i Jiova.

⁵ Ni sa tu mai kina nai tikotiko ni veilewai, na nodra i tikotiko vakaturaga na vale i Tevita.

⁶ Dou masulaka na tiko sautu e Jerusalemi! “Me ra na tiko vinaka ko ira sa lomani iko!

⁷ Me yaco na sautu e na nomu lomanibai, kei na bula taqomaki e na nomu veivale vakaturaga.”

⁸ E na vukudra na wekaqu kei na kai noqu au na kaya, “Me tiko vei iko na vakacegu!”

⁹ E na vuku ni vale i Jiova na neimami Kalou, ka'u na qara na ka mo vinaka kina.