NA SAME 11 - Ai Vola Tabu (Vakadewa Makawa Vakavoutaki 2021)

Na Sere ni Vakararavi Vua na Kalou

Vua nai liuliu ni sere. Me baleti Tevita.

¹ Au sa vakararavi vei Jiova; Dou sa kaya vakacava ki na yaloqu, “Mo vuka me vaka na manumanu vuka ki na nomu ulunivanua;

² ka raica, era sa loqata na nodra dakai-titi na tamata lomaca, era sa vakarautaka na gasau e na kena wa, me ra vanai koya lo sa yalododonu.

³ Ni kevaka sa talaraki sobu na yavu, a cava ena kitaka rawa na tamata yalododonu?”

⁴ Sa tiko ko Jiova e na nona vale tabu; ai tikotiko vakaturaga nei Jiova sa tiko mai lomalagi. Sa vakaraica tiko na matana, sa vakatovolei ira na tamata na dakudaku ni matana.

⁵ Sa vakatovolea na tamata yalododonu ko Jiova, ia na tamata lomaca kei koya sa vinakata nai valavala kaukauwa sa cati koya na yalona.

⁶ Ena vakatauca nai cori vei ira na tamata i valavala ca ko koya; na bukawaqa kei na sulifure, kei na cava rerevaki sa kedrai votavota e na medra bilo.

⁷ Ni sa yalododonu ko Jiova; sa vinakata ko koya nai valavala dodonu; ko ira na yalododonu era na raica na matana.