Josua 12 - Ai Vola Tabu (Vakadewa Makawa Vakavoutaki 2021)

Ko Ira na Tui era Vakadrukai mai vei Mosese

¹ Ia ko ira oqo na tui ni vanua, sa ra mokuta na Isireli, ka ra qai taukena na nodra vanua e na tai kadua ni Joritani vaka ki nai cadracadra ni mata-ni-siga, mai na uciwai ko Arinoni ki na Ulunivanua ko Erimoni, kei na vanua veibuca kece mai na vanua mai na tokalau:

² o Sioni na nodra tui na Amoraiti, ko koya ka tiko mai Esiponi, ka lewa mai Aroeri, ko ya sa tu mai na bati ni uciwai ko Arinoni, kei na loma ni uciwai, kei na dua na kena wase ni Kiliati, ka yacova na uciwai ko Japoki, nai yalayala ni nodra vanua na luve i Amoni;

³ kei na vanua veibuca talega ka yaco ki na wasawasa ko Kineroci mai na tokalau, ka yaco ki na wasawasa mai na vanua veibuca, na Wasa Tuituina mai na tokalau, e na sala ki Peci-jisimoci; mai na ceva talega e ruku i Asitoci-pisika;

⁴ kei na yasana nei Oki na tui Pasani, o koya ka vo vei ira na tamata yagolevu, ka tiko mai Aseteroci kei Etirei,

⁵ a sa lewa mai na Ulunivanua ko Erimoni, kei Salika, kei Pasani taucoko, ka yacova na nodra i yalayala na kai Kisuri, kei na luve i Meeka, kei na dua na kena wase i Kiliati, na yasana nei Sioni na tui Esiponi.

⁶ Sa mokuti ira oqo ko Mosese na tamata ni Kalou ko Jiova, kei ira na Isireli; a sa solia ko Mosese na tamata ni Kalou ko Jiova vei ira na Rupeni, kei ira na Kata, kei na yavusa-veimama i Manasa, me ra taukena.

Ko Ira na Tui era Vakadrukai mai vei Josua

⁷ Ia ko ira oqo na tui ni vanua ka mokuta ko Josua, kei ira na Isireli, e na tai oqo ni Joritani vaka ki na ra, sa vakatekivu mai Peali-kata e na buca kei Lepanoni ka yacova na Ulunivanua ko Alaki, sa lako cake ki Sia; ia sa solia ko Josua ki na veimataqali ni Isireli me ra taukena, me vaka na kedrai wasewase,

⁸ e na vanua veiulunivanua, kei na veibuca, kei na vanua veibuca, kei na veimataniwai, e na vanua lala talega, kei na vanua sa no e na mata ni ceva; o ira na Itaiti, o ira na Amoraiti, kei ira na kai Kenani, o ira na Perisaiti, o ira na Aivaiti, kei na Jepusaiti:

⁹ na tui Jeriko e dua na tui Ai, sa voleka ki Peceli e dua

¹⁰ na tui Jerusalemi e dua na tui Epironi e dua

¹¹ na tui Jarimoce e dua na tui Lakisi e dua

¹² na tui Ekiloni e dua na tui Keseri e dua

¹³ na tui Tipiri e dua na tui Keteri e dua

¹⁴ na tui Orima e dua na tui Arati e dua

¹⁵ na tui Lipina e dua na tui Atulama e dua

¹⁶ na tui Maketa e dua na tui Peceli e dua

¹⁷ na tui Tapu e dua na tui Eferi e dua

¹⁸ na tui Efeki e dua na tui Leseroni e dua

¹⁹ na tui Matoni e dua na tui Asori e dua

²⁰ na tui Simironi-mironi e dua na tui Ekisafi e dua

²¹ na tui Tenaki e dua na tui Mikito e dua

²² na tui Ketesi e dua na tui Jokiniami mai Kameli e dua

²³ na tui Doa mai Nafaci-toa e dua na tui ni veivanua mai Kilikali e dua

²⁴ na tui Tirisa e dua na tui kecega, era le tolusagavulu-ka-dua.