Jeremaia 45 - Ai Vola Tabu (Vakadewa Makawa Vakavoutaki 2021)

Na Vosa ni Veivakacegui vei Baruki

¹ Ni sa vola oti ko Baruki na luve i Neraia, e na dua nai vola, na vosa oqo mai na gusu i Jeremaia, sa qai kaya vua ko Jeremaia e nai kava ni yabaki i Jioiakimi na luve i Josaia na tui Juta, ka vaka,

² “Sa vosa vakaoqo ko Jiova, na nodra Kalou na Isireli, vei iko, Baruki:

³ Ko sa kaya, ‘Ulei koi au oqo! Ni sa vakaikuritaka na noqu rarawa e na yaluma ko Jiova; au sa oca e na noqu vutugu, ia ka'u sa sega ni kunea na vakacegu.’

⁴ Mo vosa vakaoqo vua, Sa vaka ko Jiova: Raica, na ka ka'u sa tara ka'u na basuka sobu, kei na ka ka'u sa tea ka'u na cavuta cake—oqori na vanua taucoko.

⁵ Ia ko iko ko sa dauqara beka eso na ka levu me nomu? Mo kakua ni dauqara; raica, au na vakayacora na ca vei ira na tamata kecega, sa kaya ko Jiova. Ia ka'u na solia vei iko na nomu bula me nomu i toki-ni-valu e na veiyasana kecega ko sa lako voli kina.”