Isikeli 12 - Ai Vola Tabu (Vakadewa Makawa Vakavoutaki 2021)

Sa Vakatakarakarataki na Kau Vakabobula nei Juta

¹ A sa yaco tale vei au na vosa i Jiova ka vaka:

² “Ko iko na luve ni tamata, ko sa tiko e na kedra maliwa na matatamata dautalaidredre, era sa vakamatana me ra raica, ka ra sega ni raica; era sa vakadaligana me ra rogoca, ka ra sega ni rogoca, ni ra sa matatamata dautalaidredre.

³ Ia ko iko, na luve ni tamata, mo vakarautaka na nomu i yaya ni toki, ka toki tani e matadra e na siga. Ia mo toki tani e matadra mai na nomu tikina ki na tikina tani. Era matatamata dautalaidredre, ia de ra na qai vakanananu beka kina.

⁴ Ia mo kauta ki tuba na nomu i yaya e na siga e matadra, me vaka nai yaya ni toki; ia mo lako tani e matadra e na yakavi, me vaka na nodra lako tani na bobula.

⁵ Ni ra raica tiko, mo kelibasikataka na bai, ka yauta yani kina ki tuba.

⁶ Ni ra raica tiko, mo colata yani, ia ni sa yakavi sobu, mo qai yauta tani. Mo ubia na matamu, mo kakua kina ni raica na qele, ni'u sa qisi iko me sai vakatakilakila vei ira na lewe-ni-vuvale i Isireli.”

⁷ Ia ka'u a cakava me vaka sa vakaroti vei au. A noqu i yaya ka'u a yauta ki tuba e na siga, me vaka nai yaya ni toki vakabobula, ia e na yakavi, ka'u a kelibasikataka na bai e na ligaqu; ni sa yakavi sobu ka'u a qai yauta yani, ka'u a colata yani e matadra.

⁸ A sa yaco vei au na vosa i Jiova e na mataka, ka vaka:

⁹ “Ko iko na luve ni tamata, era sa taroga li vei iko se sega ko ira na lewe-ni-vuvale ni Isireli, na vale dautalaidredre ko ya, ‘A cava li ko sa cakava tiko oqo?’

¹⁰ Mo kaya vei ira, ‘Sa kaya vakaoqo na Turaga ko Jiova: Sa bale vua na tui mai Jerusalemi na vosa ni parofisai bibi oqo, vei ira kece talega na lewe-ni-vuvale ni Isireli era tiko kaya.’

¹¹ Mo kaya, ‘Sai au nai vakatakilakila vei kemudou: me vaka na ka ka'u sa cakava, ena caka vakakina vei ira. Era na toki tani, ka lako vakabobula yani.’

¹² Ia na tui sa tiko vata kei ira ena ia na colacola e na yakavi sobu, ka curu yani. Era na kelibasikataka na bai me ra yauta yani kina ki tuba. Ena ubia na matana, me kakua kina ni raica na vanua e na yaloka ni matana.

¹³ Ia ka'u na tevuka vua na noqu lawa, ena coriti talega e na noqu i cori. Ia ka'u na kauti koya ki Papiloni ki na nodra vanua na kai Kalitia; ena mate mai kea ko koya, ia ena sega ga ni raica.

¹⁴ Ia ko ira kece era tiko vata kaya me vukei koya, kei ira kece na nona mataivalu, ka'u na dui vakasevi ira ki na mata ni cagi kecega; ia ka'u na ucuna nai seleiwau me muri ira.

¹⁵ Ka ra na kila ni sai au ko Jiova, ni'u sa dui vakasevi ira ki na veimatanitu, ka duibiubiuti ira ki na veivanua.

¹⁶ Ia ka'u na vakavoca vei ira e lewe vica na tamata mai nai seleiwau, kei na dausiga, kei na mate dauveiveitauvi; me ra tukuna na nodra i valavala vakasisila kecega ki na veimatanitu era na dui yaco kina; ka ra na kila ni sai au ko Jiova.”

¹⁷ A sa yaco tale vei au na vosa i Jiova, ka vaka:

¹⁸ “Ko iko na luve ni tamata, mo kania vata na kemu madrai kei na kidroa, ka mo gunuva na memu wai e na sautaninini kei na nuiqawaqawa;

¹⁹ ka kaya vei ira na lewe-ni-vanua, Sa kaya vakaoqo na Turaga ko Jiova e na vukudra na lewe i Jerusalemi e na vanua ko Isireli: Era na kania na kedra madrai e na nuiqawaqawa, ka gunuva na medra wai ni ra domobula tiko. E na sala oqo, ena kau laivi kece kina na veika sa tu e na nodra vanua, e na vuku ni nodra i valavala kaukauwa kecega era tiko kina.

²⁰ Ia ena lala mai na veikoro sa tawa, ka na rusa na vanua; ia dou na kila ni sai au ko Jiova.”

²¹ A sa yaco vei au na vosa i Jiova, ka vaka:

²² “Ko iko na luve ni tamata, a cava na vosa vakaibalebale ko ya sa tu vei kemudou na Isireli, ka sa kaya, ‘Sa vakadedetaki na gauna, ka sa sega ni yaco na raivotu kecega’?

²³ O koya oqo mo tukuna kina vei ira, ‘Sa kaya vakaoqo na Turaga ko Jiova: Au na muduka na vosa vakaibalebale ko ya, ka ra na sega ni cavuta tale me vosa vakaibalebale e Isireli.’ Ia mo kaya ga vei ira, Sa voleka mai na gauna, kei na kena vakayacori na raivotu kecega.

²⁴ Ni na sega tale na raivotu lasu se na vosamana veicavilaki vei ira na lewe-ni-vuvale i Isireli.

²⁵ Ni sai au ko Jiova; ka'u na cavuta na vosa ka'u na vosataka, ka na yaco. Ena sega ni vakaberaberataki tale, ia e na nomudou gauna ga, koi kemudou na vale dautalaidredre, ka'u na cavuta kina na vosa ka vakayacora, sa kaya na Turaga ko Jiova.”

²⁶ Sa yaco tale vei au na vosa i Jiova, ka vaka:

²⁷ “Ko iko na luve ni tamata, raica, era kaya na vale i Isireli, ‘A raivotu sa raica ko koya sa yawa na kena siga, ka sa berabera sara na gauna sa parofisaitaka ko koya.’

²⁸ O koya oqo mo kaya kina vei ira, Sa kaya vakaoqo na Turaga ko Jiova: Ena sega ni vakaberaberataki tale e dua na noqu vosa, ia na vosa ka'u sa cavuta ena vakayacori ga, sa kaya na Turaga ko Jiova.”