Dauvunau 7 - Ai Vola Tabu (Vakadewa Makawa Vakavoutaki 2021)

Na Veivakasama Eso me Baleta na Bula

¹ Sa vinaka na yaca e rogo vinaka ka ca nai lumu talei, ka sa vinaka na siga ni mate ka ca na siga sa sucu kina e dua.

² Sa vinaka me lako ki na vale ni tagi ka ca me lako ki na vale ni kana magiti; ni sai tinitini ni tamata kecega oqo, ia ko koya sa bula tiko ena nanuma kina e lomana.

³ Sa vinaka na tagi ka ca na dredre, ni noda lolosi sa vakavinakataki cake kina na yalo.

⁴ A yalodra na tamata vuku sa tiko e na vale ni tagi; ia na yalodra na lialia sa tiko e na vale ni marau.

⁵ Sa vinaka ni rogoca na tamata na vunau ni vuku, ka ca vua ni rogoca na nodra sere na lialia.

⁶ Me vaka na lidilidi ni kau votovotoa e ruku ni kuro, sa vakakina na nona dredre na lialia; oqo talega na ka wale.

⁷ Na veivakasaurarataki sa vukica vakaidina na tamata vuku me tamata lialia, ka sa vakacataka na loma ni tamata nai solisoli ni veivaqumi.

⁸ Sa vinaka nai tinitini ni ka, ka ca na kenai vakatekivu; ka vinaka ko koya sa yalo dauvosota ka ca na yaloviavialevu.

⁹ Me kakua ni kusarawa na yalomu me cudru, ni sa tiko ga na cudru e lomadra na lialia.

¹⁰ Mo kakua ni kaya, “E na vuku ni cava sa vinaka kina na gauna eliu ka ca na gauna oqo?” Ni sa sega ni vuku na nomu taroga na ka oqo.

¹¹ Sa vinaka na vuku sa tu vata kei nai yau, ka sa ka yaga vei ira era sa raica na mata-ni-siga.

¹² Ni sai vakaruru na vuku, ka sai vakaruru nai lavo, ia na kena yaga na kila-ka, ni sa vu ni bula na vuku vei ira era sa taukena.

¹³ Mo nanuma na cakacaka ni Kalou; ko cei ena vakadodonutaka rawa na ka sa vakavevetaka ko koya?

¹⁴ E na siga ni sautu mo reki, ia e na siga ni ca mo vakananuma oqo: ni sa lesia na Kalou na ka oqo kei na ka ko ya me rau veiqaravi, me kakua kina ni kila na tamata na ka ena muri mai.

Na Veika Eso me Baleta na Bula

¹⁵ Au a raica na ka kecega e na veisiga ni noqu bula wale oqo; ni sa tiko na yalododonu sa vakaleqai e na nona i valavala dodonu, ka sa balavu na nona bula na tamata ca ia sai valavala ca tiko.

¹⁶ Mo kakua ni yalododonu sara vakalevu, mo kakua talega ni vuku sara mai. Mo vakarusai iko e na vuku ni cava?

¹⁷ Mo kakua ni valavala ca sara vakalevu, mo kakua talega ni lialia. Mo mate koso e na vuku ni cava?

¹⁸ Sa vinaka mo taura na ka oqo; io, mo kakua talega ni tarova na ligamu mai na ka ko ya, ni o koya sa rerevaka na Kalou ena lako tani mai na ka kece oqo.

¹⁹ Na vuku, sa vagumatuataka vakalevu na tamata vuku ka vakalailai na turaga e le tini era sa tiko e na koro.

²⁰ Ni sa sega na tamata yalododonu e vuravura, sa caka vinaka tiko, ka sega ni caka cala.

²¹ Ia kakua ni ko nanuma na vosa kece sa vosataki, de ko rogoca na nomu tamata ni sa vatonaki iko.

²² Ni sa kila na lomamu ni ko sa dauvatonaki ira vakavuqa na tani.

²³ A ka kece oqo ka'u sa vakatovolea oti e na vuku. Au a kaya, “Au na vuku,” ia sa yawa ga vei au.

²⁴ A ka sa yawa, ka titobu sara; ko cei sa kunea rawa?

²⁵ Au a vakauqeta na lomaqu me'u kila, ka dikeva, ka vakasaqara na vuku, kei nai balebale ni ka, me'u kila talega na kena ca na lialia, io nai valavala sesewa ka lialia.

²⁶ Ia ka'u sa kunea ni sa uasivia na kena gaga ni mate ko koya na yalewa sai cori ka lawa na lomana, ka sai vesu na ligana. Ko koya sa vinaka vua na Kalou era dro bula mai vei koya, ia ko koya sai valavala ca ena coriti vua.

²⁷ Sa kaya ko koya na Dauvunau, Raica, a ka oqo ka'u sa kunea, ni'u sa wilika vakayadua me'u kila na kena dina.

²⁸ O koya sa qara tiko na yaloqu, ka sega ga ni kunea. E dua na tagane vei ira na udolu ka'u sa kunea, ia ka'u sa sega ni kunea e dua na yalewa vei ira kecega oqo.

²⁹ Raica, na ka ga oqo ka'u sa kunea, ni sa bulia na tamata na Kalou me yalododonu, ia era sa vakasaqara nai tovo vou e vuqa.