Vosavakaibalebale 29 - Vakavakadewa Makawa

¹ O koya sa dauvunauci ia sa vakadomoqataki koya, Ena vakarusai vakasauri, ka sega na ka me bula kina.

² Ni ra sa lewa na yalododonu, sa ra reki na tamata: Ia ni ra sa lewa ko ira nai valavala ca, era sa qai tagi na tamata.

³ A tamata sa vinakata na vuku sa vakamarautaki tamana: Ia ko koya sa tiko vata kei ira na dautagane sa vakayalia wale na nonai yau.

⁴ A tui sa lewa vakadodonu sa vakadeitaka na vanua: Ia ko koya sa dautaura nai solisoli, sa vukica.

⁵ A tamata sa vosaveicavilaki vua na kai nona, Sa tevuka na lawa me rawa na yavana.

⁶ Ni sa caka cala na tamata ca, sa tacori kina: Ia na yalododonu sa dausere ka marau.

⁷ Sa vakananuma na yalododonu ki na nona tiko vakaca na dravudravua: Ia na tamata ca sa sega ni via kila.

⁸ Na tamata dauveivakalialiai sa tacori kina na koro: Ia ko ira na tamata vuku era vakadaroya na cudru.

⁹ Kevaka erau sa veileti na tamata vuku kei na tamata lialia, Se cudru se dredre ko koya, sa na sega ni vakacegu.

¹⁰ Ko ira na liga ca era sa cati koya sa yalododonu: Ia ko ira na yalododonu era gumatua me vakabulai koya.

¹¹ Sa tukuna kece na lomana na yalolialia: Ia ko koya sa vuku sa galu mada, ka qai vosa emuri.

¹² Ke vakarorogo na turaga ki na vosa lasu. Ke sa tamata ca ko ira kece na nona dauveiqaravi.

¹³ Na dravudravua kei na dauvakasaurara erau tiko vata: Sa vakararamataka na matadrau ruarua ko Jiova.

¹⁴ A tui sa lewai ira vakadodonu na dravudravua, Ena vakataudeitaki me sega ni oti na nonai tikotiko.

¹⁵ A kuita kei na vunau sa vakayacora na vuku: Ia na gone sa biu wale tu me veitalia sa vakamaduataki tinana.

¹⁶ Ni ra lewe vuqa mai na tamata ca, sa levu cake tiko nai valavala ca: Ia ko ira na caka dodonu era na raica na nodra bale.

¹⁷ Mo vakavulica na luvemu, ena vakacegui iko: Io, ena vakamarautaka na yalomu.

¹⁸ Ni sa sega nai vakavuvuli, era sa rusa na tamata: Ia ko koya sa muria na vunau, sa kalougata ko koya.

¹⁹ Sa bese ni vakavulici e na vosa na dauveiqaravi: Ke sa rogoca, ke sa sega ni via vosa mai.

²⁰ Ko sa kunea li na tamata sa dauriri ni vosa? Sa na vuku rawa vei rau ko koya sa lialia.

²¹ O koya sa susuga na nona tamata ni sa gone, Ena yaco emuri ko koya me luvena.

²² A tamata daucudru sa dauvakatubura na veileti, Kei na tamata yalodauveikata sa daulevu na nona caka cala.

²³ A nona viavialevu na tamata ena vakasivoi kina: Ia ko koya sa yalomalumalumu ena dokai tiko.

²⁴ O koya sai votavota kaya na daubutako sa cata na yalona dina: Sa vakabubuluitaki, ia ka sega ga ni tukuna.

²⁵ Na rerevaka na tamata sa da tacori kina: Ia ko koya sa vakararavi vei Jiova ena tiko vinaka.

²⁶ Era lewe vuqa era kere loloma vua sa lewa; Ia sa maivei Jiova ga na kena lewa e na vuku ni tamata yadua.

²⁷ A tamata sa sega ni dodonu sa ka vakasisila vei ira na yalododonu: Ka sa ka vakasisila vua na tamata ca ko koya sa yalodina.