Vosavakaibalebale 27 - Vakavakadewa Makawa

¹ Mo kakua ni boletaki iko e na vuku ni ka mo cakava e na mataka; Ni ko sa sega ni kila se cava ena yaco e na dua na siga.

² Me dokai iko na tani, ka me kakua ga na gusumu; Io na kai tani ga, ka me kakua ga na tebenisugumu.

³ Sa ka bibi na vatu, sa ka bibi talega na nuku; Ia sa uasivi cake na kena bibi na nona cudru na tamata lialia.

⁴ Sa lecava na loloma na daucudru, ka sa vaka na waluvu na cudru waqawaqa; Ia ko cei me tiko rawa e na mata i koya na dauvuvu?

⁵ Sa vinaka na veivunauci votu Ka ca na loloma vuni.

⁶ Sa cakava na ka dina na weka ni tamata ni sa ia na veivuetaki; Ia sa nona veivakaisini ga na meca ni sa ia na veireguci.

⁷ A tamata sa mamau sa cata na qa ni oni; Ia sa kamikamica na ka gaga kecega vua sa via kana.

⁸ Me vaka na manumanu vuka sa lako sese tani mai na kenai su, Sa vakakina na tamata sa lako sese tani mai na nona yasana.

⁹ Ai lumu kei nai saluaki sa vakamarautaka na loma ni tamata; Sa vakakina na kena kamikamica na wekana ni sa bose vata kaya mai na vu ni yalona.

¹⁰ A wekamu, kei na weka ni tamamu, mo kakua ni biuta; Ia mo kakua ni lakova na vale nei tacimu e na siga ko rarawa kina: Ni sa vinaka na kai nomu sa tiko voleka ka ca na tacimu sa tiko vakayawa.

¹¹ Mo vuku, na luvequ, ka vakamarautaka na lomaqu, Me dua na vosa me'u tauca vua sa beitaki au.

¹² O koya sa yalomatua sa kunea na ca, a sa vunitaki koya: Ia ko ira sa sega ni vuku era sa lako tu yani, ka ra sa kana rarawa.

¹³ Kauta na nonai sulu sa ia na veiyalayalati e na vuku ni kai tani: Ka kauta na nonai vakadinadina e na vukuna na yalewa tani.

¹⁴ O koya sa vosavakalougatataka vakadomoilevu na kai nona, ka souta sara e na mataka caca, Ena wiliki vua me nona ruru.

¹⁵ A tuturu sa sega ni mudu e na siga ni uca levu, Kei na yalewa dauveileti, sa rau tautauvata:

¹⁶ Ko koya sa via tarovi koya sa tarova na cagi, Ia na ligana i matau, sa tara nai lumu.

¹⁷ Sa vagatai na kaukamea e na kaukamea: Ia na tamata, sa vagata vakakina na mata ni wekana.

¹⁸ O koya sa vakatawa na vu ni lolo ena kania na vuana: Sa vakakina ko koya sa dauqarava na nona turaga, ena dokai.

¹⁹ Me vaka sa ilovi e na wai na mata ni tamata, Sa ilovi vakakina na yalo ni tamata ki na tamata.

²⁰ Ai bulubulu kei na rusa sa sega ni mamau rawa; Sa vakakina na mata ni tamata, sa sega ni mamau rawa.

²¹ Sa vakatovolei na siliva e na kuro, kei na koula e na lovo; Sa vakakina na tamata e na gusu i koya sa dokai koya.

²² Kevaka sa lauvutu e na sedre kei nai vutu e dua na tamata lialia kei na sila, Ena dredre ni takali vua na nona lialia.

²³ Mo kila deivaka se vakaevei na nomu qele ni sipi, Ka raica vakavinaka na nomu qele ni pulumokau:

²⁴ Ni sa sega ni tawa mudu nai yau: Ia nai sala vakaturaga ena yaco tiko li ki nai tabatamata kecega?

²⁵ Sa tubu mai na co, a sa rairai mai na buroro, A sa covi na veico mai na veiulu-ni-vanua:

²⁶ Na luve ni sipi sa rawa kina na nomu i sulu, Kei na me sai voli ni nomu were,

²⁷ Kei na wai-ni-sucu mei coi ni kemu madrai, kei na kedra na nomu lewe ni vale. Kei na ka me ra bula kina na nomu goneyalewa.