Vosavakaibalebale 23 - Vakavakadewa Makawa

¹ Ni drau sa tiko mo kana vata kei na turaga, Mo nanuma matua na ka sa tu e matamu;

² Ka kauta nai sele ki na nomu i tilotilo, Kevaka ko sa tamata daugarogaro:

³ Kakua ni ko garova na nona kakana vinaka: Ni sa kakana ni veivakaisini.

⁴ Mo kakua ni vakaceguocataki iko mo vutuniyau: Mo kua ni vakararavi ki na nomu vuku.

⁵ A cava beka ko sa wanonova kina na ka sa sega? Ni sa cakava vakaidina na tabana nai yau; Ka vuka tani me vaka na ikeli vaka ki lomalagi.

⁶ Kakua ni ko kania na nona madrai sa mata buroburoga, Kakua talega ni ko garova na nona kakana vinaka:

⁷ Ia me vaka na vakanananu ni lomana, sa vakakina ko koya: Sa kaya vei iko, Mo kana ka gunu: Ia sa sega ni lomana dina vei iko:

⁸ A tiki ni kakana ko sa kania ko na luaraka tale, Ka vakayalia na nomu vosa vinaka.

⁹ Mo kakua ni vosa e daligana na lialia: Ni na beca na nomu i vakavuvuli vuku.

¹⁰ Mo kakua ni kisira tani nai yalayala makawa ni vanua; Ia mo kakua ni curuma na nodra veiwere na luveniyali:

¹¹ Ni sa wekadra ko Koya sa Kaukauwa; Sai koya ena veilewai kei iko ka na totaki ira.

¹² Mo vagolea na lomamu ki nai vakavuvuli, Kei na daligamu ki na vosa vuku.

¹³ Mo kakua ni tarova na kuita mai vua na gone; Ia ni ko sa warolaki koya, ena sega ni mate kina.

¹⁴ Mo warolaki koya, Ia ko na vakabula kina na yalona mai eli.

¹⁵ Na luvequ, kevaka ena vuku na lomamu, Ena reki dina na yaloqu:

¹⁶ Io ena reki na noqu i ivi, Ni sa vosataka na ka dodonu na gusumu.

¹⁷ Me kakua ni vuvutaki ira nai valavala ca na lomamu; Ia mo rerevaki Jiova tiko e na siga taucoko ka bogi:

¹⁸ Ni sa dua dina kina na kenai sau; Ia na ka ko sa nuitaka ena sega ni muduki tani.

¹⁹ Mo vakarorogo, na luvequ, mo vuku, Ka tubera na lomamu e na sala.

²⁰ Mo kakua ni tiko kei ira era daugunu waini, Kei ira era daukusikusima:

²¹ Ni rau na vakadravudravuataki na daumateni kei na daukana: Ia na tamata sa daumoce ena vakaisulu e nai sulu sa kadresudresu.

²² Mo vakarorogo vua drau sa veitamani dina kaya, Kakua talega ni ko beci tinamu ni sa qase mai.

²³ Mo volia na dina, ka kakua ni volitaka; Na vuku talega, kei nai vakavuvuli, kei na yalomatua.

²⁴ Ena reki vakalevu na tamana na yalododonu: Ko koya erau veitamani dina kei na gone vuku ena levu kina na nona marau:

²⁵ Erau na reki ko tamamu kei tinamu, Io ena ladelade ko koya ka vakasucumi iko.

²⁶ Na luvequ, mo solia na lomamu kivei au, Ia me vakabauta ga na noqu sala na matamu.

²⁷ Ni sai keli titobu na yalewa dautagane; Ka sai keli qiqo na yalewa i valavala ca.

²⁸ Sa lawa koto talega ko koya me vaka na daubutako, Ka sa vakalewevuqataki ira na tamata dautalaidredre.

²⁹ Ko cei sa vakaulei? ko cei sa rarawa? ko cei sa veileti? Ko cei sa dauvosabalavu? ko cei sa mavoa wale? Ko cei sa damudamu na matana?

³⁰ Ko ira era gunu waini tiko vakadede; Ko ira era la'ki qara na waini sa veiwaki vata.

³¹ Kakua ni ko qoroya na waini ni sa damudamu, Ni sa roka vinaka mai e na bilo, Ka vinaka na kena gunuvi.

³² Sa oti, sa kata me vaka na gata, Ka sa kata me vaka na gata dauveikata.

³³ A matamu ena kunei ira na yalewa tani, Ia na lomamu ena cavuta na ka vakatani.

³⁴ Io ko na vaka ga e dua sa koto e loma ni wasawasa, Se dua sa davo tu e na dela ni vana:

³⁵ Ko na kaya, Era a vacuki au, ia ka'u sa sega ni rarawa kina; Era sa mokuti au, ka'u a sega ga ni kila: Ka'u na yadra li ninaica? ka'u na baci qara tale.