Vosavakaibalebale 19 - Vakavakadewa Makawa

¹ Sa vinaka ko koya na dravudravua sa muria na nona yalododonu, Ka sa ca ko koya na vosaveve, ka sa lialia.

² Sa sega talega ni vinaka ni leca ka na yalo; Ia ko koya sa totolo na yavana sa cala.

³ A lialia ni tamata sa sese kina na nonai valavala: Ia sa didi vei Jiova na lomana.

⁴ Sa lewe vuqa na wekana na tamata vutuniyau; Ia ko koya sa dravudravua sa tawase tani maivua na kai nona.

⁵ A dautukutuku lasu ena sega ni donu; Ia ko koya sa vosa lasu ena sega ni dro bula.

⁶ Era lewe vuqa era na via vakalomavinakataki koya na turaga: Ia na tamata kecega era via veitau vata kaya sa dausoli ka.

⁷ Ko ira kecega era veitacini kei na tamata dravudravua era sa cati koya: Ia sa na vakaevei na nodra via veiyawaki kaya na wekana? Sa cicimuri ira e na vosa, ka ra sega ga.

⁸ O koya sa rawata na vuku sa lomana na yalona: Ko koya sa taura tiko na yalomatua ena kune ka vinaka.

⁹ A dautukutuku lasu ena sega ni donu; Ia ko koya sa vosa lasu ena rusa.

¹⁰ Sa sega ni kilikili kaya na lialia na reki; Ka sega sara ni kilikili kaya na tamata wale me lewai ira na turaga.

¹¹ A nona yalomatua na tamata sa vakaberabera kina na nona cudru; Ka sa ka e rogo vinaka kina ni sa sega ni cudruvaka na cala.

¹² Sa vaka na tagi ni laioni na cudru ni tui; Ka sa vaka na kena tau na tegu ki na co na nona loloma.

¹³ Na gone tagane lialia sa vu ni rarawa vei tamana: Ia na nona veileti na yalewa vakawati na tuturu e sega ni mudu.

¹⁴ A vale kei nai yau na ka era taukena na qase: Ia sa maivei Jiova ga na yalewa vakawati sa yalomatua.

¹⁵ A vucesa na vu ni moce lutu; Ia na yalo dauguca ena viakana.

¹⁶ O koya sa muria na vunau sa maroroya na yalona; Ia ko koya sa vakawaletaka na nonai valavala ena mate.

¹⁷ Sa ia na soli ka vei Jiova ko koya sa lomani ira na dravudravua; Ia na ka sa solia ko koya ena saumi tale vua.

¹⁸ Mo vakanakuitataka na luvemu ni sa vinaka rawa kina, Ia ni sa tagi, me kakua ni lekaleka kina na lomamu.

¹⁹ A tamata daucudru vakalevu ena cudruvi kina: Ia ni ko sa vakabulai koya, ko na baci oca tale vakarua.

²⁰ Mo rogoca na vunau, ka vakabauta nai vakavuvuli, Mo vuku kina e na nomu gauna mai muri.

²¹ E levu na ka e nanuma kina na loma ni tamata: Ia sa na tu ga na lewa i Jiova.

²² Ni sa yalololoma na tamata sa dauvinakati kina ko koya; Ia sa vinaka na tamata dravudravua ka ca na tamata daulasu.

²³ Sa vu ni bula na rerevaki Jiova: Ia ena tiko vakasautu na kenai taukei; Ena sega na ca me yacovi koya.

²⁴ A tamata vucesa sa tonisua na kena e na dari, Ka sa bese ni kauta tale ki na gusuna.

²⁵ Mo yavita na dauveivakalialiai, ena lomakasa kina ko koya sa sega ni vuku: Ia mo vunauci koya sa yalomatua, ena kila ka kina ko koya.

²⁶ O koya sai valavala vakaukauwa vei tamana, ka vakasavi tinana, Sa gone e veivakamaduataki, ka veivakarogocataki.

²⁷ Na luvequ mo kua ni rogoca nai vakavuvuli Mo vuki tani kina mai na vosa vuku.

²⁸ A dautukutuku lasu sa beca na veilewai: Ia na gusudra na tamata ca sa tiloma nai valavala ca.

²⁹ Sa vakarautaki na cudruvi me kedra na tamata be, Kei na kuita ki na dakudra na lialia.