Vosavakaibalebale 12 - Vakavakadewa Makawa

¹ O koya sa vinakata ni vakavulici sa vinakata na vuku: Ia ko koya sa cata ni vunauci sa druma.

² Na tamata vinaka e daukune loloma maivei Jiova: Ia na tamata i lawaki ca ena vakacala ko koya.

³ Ena sega ni vakataudeitaki na tamata e nai valavala ca: Ia na wakadra na yalododonu ena sega ni yavalati.

⁴ Na yalewa yalovakamarama sai sala talei vua na watina: Ia ko koya sa ia na veivakamaduataki sa vaka nai vakavuca ni suina.

⁵ A nodra vakanananu na yalododonu sa ka dodonu: Ia na ka era bosea nai valavala ca na vere.

⁶ A nodra vosa nai valavala ca me ra la'ki batikadi: Ia na gusudra na yalododonu ena vakabulai ira.

⁷ Era sa vukici sara na tamata ca, ka ra sa yali: Ia na nodra vale na tamata yalododonu ena tiko dei.

⁸ Ena vakacaucautaki na tamata me vaka na nona vosa vuku: Ia ko koya sa yalovakatani ena beci.

⁹ Sa vinaka ko koya sa beci, ka sa dua vua na dauveiqaravi, Ka ca ko koya sa daudokadokai koya, ka sa lailai na kena.

¹⁰ Na tamata yalododonu sa maroroya na bula ni nona manumanu: Ia na nodra yalololoma na tamata ca na lomaqa.

¹¹ O koya sa daucukita na nona were ena mamau e na kakana: Ia ko koya sa muri ira na tamata wale sa sega ni vakayalo.

¹² O ira na tamata ca era sa daudomona na nodra lawa na tamata ca: Ia na wakadra na yalododonu sa vua tiko.

¹³ Na vosa cala ni tebenigusuna sa tacori kina na tamata ca: Ia ena bula mai na ka rarawa ko ira na yalododonu.

¹⁴ Na vua ni gusuna ena mamau kina na tamata e na ka vinaka: Ia na kenai sau ni cakacaka ni tamata ena soli vua.

¹⁵ A nona sala na tamata lialia sa ka dodonu e matana: Ia ko koya sa muria na ka e vakavulici kina sa vuku.

¹⁶ Sa kilai sara ga na nona cudru na tamata lialia: Ia sa vunia na madua ko koya sa yalomatua.

¹⁷ O koya sa dauvosa dina sa tukuna na ka dodonu: Ia na dautukutuku lasu, sa tukuna na veivakaisini.

¹⁸ Sa dua sa vosa me vaka sa suaka e nai seleiwau: Ia na yamedra na vuku sa ia na veivakabulai,

¹⁹ Na tebenigusu dina ena vakataudeitaki ka tawa mudu: Ia sa dede vakalailai ga na yame daulasu.

²⁰ Na ka lasu sa tiko e lomadra era dauvakanananu ki na ka ca: Ia ko ira era bosea na sautu sa nodra na marau.

²¹ Ena sega ni yacovi ira na yalododonu e dua na ka ca: Ia ko ira na tamata ca era na sinai e na ca.

²² A ka vakasisila vei Jiova na tebenigusu lasu: Ia ko ira sa dina na nodra cakacaka sa rekitaka ko koya.

²³ Na tamata yalomatua sa vunia na vuku: Ia na lomadra na lialia sa tukuna na ka lialia.

²⁴ A liga dautara ka ena ia na lewa: Ia ko koya na vucesa ena kaui vakacavacava.

²⁵ Ni sa bibi na loma ni tamata sa vakacuva: Ia na vosa vinaka sa vakamarautaka.

²⁶ Na tamata yalododonu sa tubera vakavinaka na kai nona: Ia na nodra i valavala na tamata ca sa vakacalai ira.

²⁷ Sa sega ni tavuna ko koya na vucesa na ka sa rawata ni sa vakasasa manumanu. Ia na nonai yau na tamata daucakacaka sa ka talei.

²⁸ E na sala ni valavala dodonu sa rawa na bula; Ia e na salatu ko ya sa sega kina na mate.