Vakatakila 6 - Vakavakadewa Makawa

E ono na drega ni vola sa cecega na Lami, 1-17.

¹ Ia ka'u a raica ni sa cecega e dua na drega na Lami, ia ka'u a rogoca e dua vei iratou na ka bula e le va, sa vaka na kurukuru na domona, ka kaya, Lako mai.

² Ka raica, au a qai kunea na ose vulavula: ia sa taura na dakai titi ko koya sa vodo tiko kina; a sa soli vua e dua nai sala-vakaturaga; a sa lako yani ko koya e na gumatua, ka me gumatua vakalevu.

³ IA ni sa cecega ko koya nai karua ni drega, au sa rogoca nai karua ni ka bula sa kaya, Lako mai.

⁴ A sa dua tani tale na ose sa lako yani, sa damudamu: a sa soli vua sa vodo tiko kina me kauta tani e vuravura na sautu, ka me ra veiraravui tikoga: a sa soli vua nai seleiwau levu.

⁵ IA ni sa cecega ko koya nai katolu ni drega, au sa rogoca nai katolu ni ka bula sa kaya, Lako mai. Ia ka'u a raica, ka raica, sa dua na ose loaloa; ia ko koya sa vodo tiko kina, sa taura nai vakarau e na ligana.

⁶ Au a rogoca e dua na domo e na kedratou maliwa na ka bula e le va, sa kaya, Me volitaki nai vakarau witi e na dua na pene, ka tolu nai vakarau parile e na dua na pene; ka raica mo kakua ni vakacacana na waiwai se na waini.

⁷ IA ni sa cecega ko koya nai kava ni drega, au sa rogoca nai kava ni ka bula sa kaya, Lako mai.

⁸ Ia ka'u a vakaraica, ka raica, sa dua na ose vulavula ca: ia na yaca i koya sa vodo tiko kina ko Mate, ka sa muri vata kaya ko Etesi. A sa soli vua me rawa nai kava ni kena wase ko vuravura, me vakamatei e nai seleiwau, kei na viakana, kei na mate ca, kei na manumanu kila kei vuravura.

⁹ IA ni sa cecega ko koya nai kalima ni drega, au sa raica e ruku ni cabocabo-ni-soro na yalodra era a vakamatei e na vuku ni vosa ni Kalou, kei na vuku ni nodra i tukutuku;

¹⁰ era sa kaci e na domo levu, ka kaya, sa vakaevei na kena dede, na Turaga yalododonu ka dina, ni ko sa sega ni lewa ka cudruvaka na neimami dra vei ira era sa tiko e vuravura?

¹¹ A sa soli vei ira yadua nai sulu vulavula; a sa kainaki vei ira, me ra cegu tiko mada vakalailai, me oti mada mai ko ira na nodra i tokani kei na wekadra, era na vakamatei mada me vakataki ira.

¹² IA ka'u sa raica ni sa cecega ko koya nai kaono ni drega, ka raica! sa tavuki vakalevu na vanua: a sa loaloa sara na mata-ni-siga me vaka nai sulu vutika ni manumanu loaloa, a sa liadra na vula;

¹³ a sa qeqera ki vuravura na veikalokalo ni lomalagi, e vaka na lolo sa qeqera na vuana ni sa sega ni dreu, ni sa kurea na cagi kaukauwa.

¹⁴ A sa lako tani yani na lomalagi me vaka nai vola balavu sa vivigi vata; a sa kau tani mai na nodra i tutu na ulu-ni-vanua kecega kei na yanuyanu kecega.

¹⁵ Ia ko ira na tui kei vuravura, kei na tamata era kena turaga, kei na tamata vutuniyau, kei ira na vu-ni-valu, kei ira na tamata qaqa, kei ira kece na bobula, kei ira kecega nai taukei, era sa vunitaki ira e na veiqara kei na veiuluvatu e na veiulu-ni-vanua;

¹⁶ a ra sa kaya ki na veiulu-ni-vanua kei na veiuluvatu, Lutuki keimami, ka vunitaki keimami mai na mata i koya sa tiko e nai tikotiko-vakaturaga, mai na nona cudru talega na Lami:

¹⁷ ni sa qai yaco mai na siga dina ni nona cudru; ia ko cei ena yatedei me na tu dei rawa?