Osea 3 - Vakavakadewa Makawa

A loloma kei na cudru ni Kalou vei ira na Isireli sa vakatakarakarataki vei Osea, 1-5.

¹ Sa qai kaya vei au ko Jiova, Mo lako tale, mo mani lomana na yalewa sa daulomani vua na wekana, ka sa dautagane ga, me vaka na loloma i Jiova vei ira na Isireli, era golevi ira na kalou tani, ka vinakata na bilo waini.

² Au a qai voli koya me noqu e na tiki ni siliva e tinikalima, ka dua na omeri parile, ka dua na afa omeri parile:

³ au a kaya vua, Mo tiko ga mo noqu ka bogi vuqa; mo kakua ni ia na dautagane, mo kakua ni nona na tamata tani: ia koi au talega, ka'u na nomu ga.

⁴ Ni na bogi vuqa na nodra tiko na Isireli ka sega na nodra tui, se na turaga, se nai soro, se na matakau, se na efoti, se na terafimi:

⁵ ka oti, era na qai lesu mai na Isireli, ka qaravi Jiova na nodra Kalou, kei Tevita na nodra tui; ka ra na rerevaki Jiova kei na nona loloma e na gauna maimuri.