Osea 14 - Vakavakadewa Makawa

Ai vakaro me ra veivutuni, 1-3. A vosa ni yalayala vei ira era sa veivutuni 4-9.

¹ Ko iko na Isireli, mo lesu mada vei Jiova na nomu Kalou; ni ko sa bale e na nomu caka cala.

² Vakarautaka mada na nomu vosa, ka lesu vei Jiova: ka kaya vua, Mo ni kauta tani kece na neitou caka cala, ka mo ni yalovinaka mai vei keitou: keitou na qai cabora nai madrali ni tebenigusu i keitou.

³ Ena sega ni vakabulai keitou ko Asuri; keitou na sega ni vodo ose: ia keitou na sega tale ni kaya ki na cakacaka ni liga i keitou, Kemudou sa neitou kalou: ni sai kemuni ga sa lomani koya na luveniyali.

⁴ Au na vakabulai ira mai na nodra dauvuki, au na lomani ira ga: ni sa suka tani maivua na noqu cudru.

⁵ Au na vaka na tegu vei Isireli: ena tubu ko koya me vaka na viavia, ka ti na wakana me vakataki Lepanoni.

⁶ Ena tete yani na kena tubucoke, ena vaka na vu ni olive na kena rairai vinaka, ia na kena boi vinaka ena vakataki Lepanoni.

⁷ Era na lesu mai ko ira era tiko e na kena rugurugua, era na bula tale me vaka na sila, ka tubu me vaka na vaini: a kenai rogorogo ena vaka na waini ni Lepanoni.

⁸ Ena kaya ko Ifireimi, Me yaga tale vakacava vei au na matakau? koi au ka'u sa rogoca, ia ka'u na vakaraici koya: au sa vaka na vu ni damanu bulabula. Na vuamu sa qai kune sa vu ga vei au.

⁹ O cei sa vuku, me na vakasamataka rawa na veika oqo? ka yalomatua, me na kila rawa na veika oqo ni sa dodonu na sala i Jiova, ko ira na yalododonu era na muria: ia ko ira na talaidredre era na bale ga kina.