Niemaia 7 - Vakavakadewa Makawa

Sa lesi ko Anani kei Enenaia, me rau lewai Jerusalemi, 1-4. Ko ira ka lako yani eliu mai Papiloni, 5-73.

¹ Ia ni sa viri oti na bai, au sa vakaduria talega na kenai sogo, a ra sa lesi nai vakatawa ni matamata-ni-koro, kei ira na dau-ni-sere, kei ira na Livai,

² ka'u a qai lesi Anani na taciqu, kei Enanaia na turaga ni vale ni tui, me lewai Jerusalemi: ni sa tamata dodonu ko koya, ka sa daurerevaka na Kalou vakalevu cake vei ira e lewe vuqa.

³ Ia ka'u a kaya vei rau, Me kakua ni dola na matamata-ni-koro e Jerusalemi ka me katakata mada na mata-ni-siga; ia ni ra sa vakatawa tiko, me ra sogota nai sogo, ka vakadeitaka kece: ka drau lesi ira nai vakatawa maivei ira na kai Jerusalemi, me vakatawa yadua ni sa nonai tavi, ia ko ira yadua e na yasana sa donuya na nona vale.

⁴ Ia sa raraba na koro ka levu: ka sa lewe lailai na tamata era tiko kina, a sa sega ni tara na veivale.

⁵ A sa vakatubura e lomaqu na noqu Kalou me'u vakasoqoni ira vata na turaga, kei ira era sa lewa, kei ira na tamata, me sa wili na kedrai tubutubu. Ia ka'u a kunea nai vola sa volai kina na kedrai tubutubu era sa liu cake mai, ia ka'u sa kunea ni sa volai vaka,

⁶ Ko ira oqo na gone ni qali, era a lako cake mai na veivakabobulataki, vei ira ka vakabobulataka eliu, ka kauta yani ko Nepukanesa na tui Papiloni, a ra sa lesu tale mai ki Jerusalemi kei Juta, ko ira yadua ki na nona koro;

⁷ ko ira era lako vata mai kei Serupapeli: ko Jesua, ko Niemaia, ko Asaraia, ko Reamaia, ko Neamani, ko Moatekai, ko Pilisani, ko Misipereci, ko Pikivai, ko Niumi, ko Peana. A kedrai wiliwili na Isireli:

⁸ Ko ira na luve i Parosi, e le rua na udolu ka dua na drau ka vitusagavulu ka rua.

⁹ Ko ira na luve i Sefataia, e le tolu na drau ka vitusagavulu ka rua.

¹⁰ Ko ira na luve i Ara, e le ono na drau ka limasagavulu ka rua.

¹¹ Ko ira na luve i Peaci-moapi, maivei ira na luve i Jesua kei Joapi, e le rua na udolu ka walu na drau ka tinikawalu.

¹² Ko ira na luve i Ilama, e le dua na udolu ka rua na drau ka limasagavulu ka va.

¹³ Ko ira na luve i Satu, e le walu na drau ka vasagavulu ka lima.

¹⁴ Ko ira na luve i Sakai, e le vitu na drau ka onosagavulu.

¹⁵ Ko ira na luve i Pinui, e le ono na drau ka vasagavulu ka walu.

¹⁶ Ko ira na luve i Pepai, e le ono na drau ka ruasagavulu ka walu.

¹⁷ Ko ira na luve i Asikati, e le rua na udolu ka tolu na drau ka ruasagavulu ka rua.

¹⁸ Ko ira na luve i Etonikami, e le ono na drau ka onosagavulu ka vitu.

¹⁹ Ko ira na luve i Pikivai, e le rua na udolu ka onosagavulu ka vitu.

²⁰ Ko ira na luve i Atini, e le ono na drau ka limasagavulu ka lima.

²¹ Ko ira na luve i Ateri maivei Esekaia, e le ciwasagavulu ka walu.

²² Ko ira na luve i Asumi, e le tolu na drau ka ruasagavulu ka walu.

²³ Ko ira na luve i Pisai, e le tolu na drau ka ruasagavulu ka va.

²⁴ Ko ira na luve i Arifi, e le dua na drau ka tinikarua.

²⁵ Ko ira na luve i Kipioni, e le ciwasagavulu ka lima.

²⁶ Ko ira na kai Pecileema kei Nitofa, e le dua na drau ka walusagavulu ka walu.

²⁷ Ko ira na kai Anacoci, e le dua na drau ka ruasagavulu ka walu.

²⁸ Ko ira na kai Peci-asimaveci, e le vasagavulu ka rua.

²⁹ Ko ira na kai Kiriaci-jiarimi, na kai Kifira, kei na kai Pieroci, e le vitu na drau ka vasagavulu ka tolu.

³⁰ Ko ira na kai Rama kei Kepa, e le ono na drau ka ruasagavulu ka dua.

³¹ Ko ira na kai Mikimasi, e le dua na drau ka ruasagavulu ka rua.

³² Ko ira na kai Pecili kei Ai, e le dua na drau ka ruasagavulu ka tolu.

³³ Ko ira na kai Nipo kadua, e le limasagavulu ka rua.

³⁴ Ko ira na kai Ilama kadua, e le dua na udolu ka rua na drau ka limasagavulu ka va.

³⁵ Ko ira na kai Erimi, e le tolu na drau ka ruasagavulu.

³⁶ Ko ira na kai Jeriko, e le tolu na drau ka vasagavulu ka lima.

³⁷ Ko ira na kai Lota, na kai Atiti, kei na kai Ono, e le vitu na drau ka ruasagavulu ka dua.

³⁸ Ko ira na kai Asena, e le tolu na udolu ka ciwa na drau ka tolusagavulu.

³⁹ Ko ira na bete: a luve i Jitaia, mai na mataqali i Jesua, e le ciwa na drau ka vitusagavulu ka tolu.

⁴⁰ Ko ira na luve i Ima, e le dua na udolu ka limasagavulu ka rua.

⁴¹ Ko ira na luve i Pasuri, e le dua na udolu ka rua na drau ka vasagavulu ka vitu.

⁴² Ko ira na luve i Erimi, e le dua na udolu ka tinikavitu.

⁴³ Ko ira na Livai: ko ira na luve i Jesua, mai Katimieli, maivei ira na luve i Otiva, e le vitusagavulu ka va.

⁴⁴ Ko ira na dau-ni-sere: ko ira na luve i Esafa, e le dua na drau ka vasagavulu ka walu.

⁴⁵ Ko ira nai vakatawa ni katuba ko ira na luve i Salumi, ko ira na luve i Ateri, ko ira na luve i Talimoni, ko ira na luve i Akupi, ko ira na luve i Etita, ko ira na luve i Sopai, e le dua na drau ka tolusagavulu ka walu.

⁴⁶ Ko ira na Necinimi: ko ira na luve i Saia, ko ira na luve i Esufa, ko ira na luve i Tapaoce,

⁴⁷ ko ira na luve i Kirosi, ko ira na luve i Sia, ko ira na luve i Patoni;

⁴⁸ ko ira na luve i Lipana, ko ira na luve i Ekapa, ko ira na luve i Salimai;

⁴⁹ ko ira na luve i Anani, ko ira na luve i Kiteli, ko ira na luve i Keari;

⁵⁰ ko ira na luve i Riaia, ko ira na luve i Risini, ko ira na luve i Nikota;

⁵¹ ko ira na luve i Kasami, ko ira na luve i Usa, ko ira na luve i Pasea;

⁵² ko ira na luve i Pesai, ko ira na luve i Maoni, ko ira na luve i Nifusimi;

⁵³ ko ira na luve i Pakipuki, ko ira na luve i Ekufa, ko ira na luve i Ariuri;

⁵⁴ ko ira na luve i Pacilice, ko ira na luve i Mita, ko ira na luve i Arisa;

⁵⁵ ko ira na luve i Parikosi, ko ira na luve i Sisira, ko ira na luve i Tema;

⁵⁶ ko ira na luve i Nisia, ko ira na luve i Etifa.

⁵⁷ Ko ira na luvedra na tamata nei Solomoni: ko ira na luve i Soti, ko ira na luve i Sofereci, ko ira na luve i Piraita;

⁵⁸ ko ira na luve i Yala, ko ira na luve i Tarikoni, ko ira na luve i Kiteli;

⁵⁹ ko ira na luve i Sefataia, ko ira na luve i Atili, ko ira na luve i Pokerece-asipayimi, ko ira na luve i Emoni.

⁶⁰ Ko ira kecega na Necinimi, kei ira na luvedra na tamata nei Solomoni, era sa le tolu na drau ka ciwasagavulu ka rua.

⁶¹ Ko ira talega oqo era a lako cake mai Teli-mela, kei Teli-arisa, kei Kirupi, kei Atoni, ka mai Ima: a ra sa sega ni tukuna rawa na mataqali ni nodra qase, se na nodra yavusa, se ra Isireli beka se segai.

⁶² Ko ira na luve i Tilaia, ko ira na luve i Topaia, ko ira na luve i Nikota, era sa le ono na drau ka vasagavulu ka rua.

⁶³ Vei ira talega na bete: ko ira na luve i Apaya, ko ira na luve i Kose, ko ira na luve i Pasiliai, ko koya ka veiwatini kaya e dua na luvena yalewa nei Pasiliai na kai Kiliati, a sa vakayacani vei ira.

⁶⁴ Ko ira oqo era sa qara na kedrai vola e na nodra sa wili na kedrai tubutubu, a sa sega ni kune: a ka oqo era sa vakadaroi kina me ra kakua ni cakacaka vakabete, ni sa lewai ni ra sa tawa savasava.

⁶⁵ A sa kaya vei ira ko koya na kovana, me ra kakua ni kana e na ka tabu sara, ka me tubu mada e dua na bete me taubena na Urimi kei na Cumimi.

⁶⁶ Ko ira vata nai soqosoqo taucoko era sa lewe vasagavulu ka rua na udolu ka tolu na drau ka onosagavulu,

⁶⁷ kei na nodra tamata kei na nodra vada, era sa le vitu na udolu ka tolu na drau ka tolusagavulu ka vitu: kei ira talega e le rua na drau ka vasagavulu ka lima na tagane kei na yalewa e dau-ni-sere.

⁶⁸ A nodra ose, sa vitu na drau ka tolusagavulu ka ono: a nodra meule, e rua na drau ka vasagavulu ka lima:

⁶⁹ a kameli, e va na drau ka tolusagavulu ka lima: ka ono na udolu ka vitu na drau ka ruasagavulu na asa.

⁷⁰ Eso vei ira na qase era sa liu era sa soli ki na cakacaka. Ko koya na kovana sa solia ki na vale ni yau e dua na udolu na tarama koula, ka limasagavulu na peseni, ka lima na drau ka tolusagavulu nai sulu ni bete.

⁷¹ Ka so vei ira na qase sa liu era sa solia ki na vale ni yau ki na cakacaka, e rua na oba na tarama koula, ka dua na vatuloa ka tolu na oba ka rua na udolu na sikeli siliva.

⁷² Ia na ka era solia na tani, sa rua na oba na tarama koula, ka dua na vatuloa ka rua na oba na sikeli siliva, ka onosagavulu ka vitu nai sulu ni bete.

⁷³ A ra sa dui tiko e na nodra veikoro ko ira na bete, kei ira na Livai, kei ira nai vakatawa ni katuba, kei ira na dau-ni-sere, ka so vei ira na tamata, kei ira na Necinimi, kei ira kecega na Isireli. Ia ni sa yaco nai kavitu ni vula, era sa qai tiko e na nodra veikoro ko ira na Isireli.