Niemaia 6 - Vakavakadewa Makawa

Sa vere ko ira na nodra meca na Jiu, me tarova na cakacaka; ia sa sega ni rere ko Niemaia. Ka sa viri oti na bai.

¹ Ia ni sa rogoca ko Sanipalati, kei Topaia, kei Kesemi na kai Arepea, kei ira kecega na neimami meca, ni ka'u sa tara oti na bai, a sa sega ni vo tiko e dua na tikina sa kabasu: (ia ka'u sa sega ni vakaduria oti e na gauna ko ya nai sogo ni veimatamata-ni-koro:)

² erau sa qai talaki mai vei au ko Sanipalati kei Kesemi, ka kaya, Tou mai soqoni vata e na dua na koro lailai mai na buca ko Ono. Ia ka rau a naki ca vei au.

³ Au a qai tala eso na tamata vei rau, ka kaya, Au sa kitaka tiko e dua na cakacaka levu, au sa dredre kina ni lako sobu: me mudu mei cavai na cakacaka ni'u sa biuta, ka lako sobu vei kemudrau?

⁴ Ia ka rau a talaki vakava vei au vakaoqo; ia ka'u a vosa tiko vakakina vei rau.

⁵ Sa baci tala tale vei au na nona tamata ko Sanipalati, ka sa vakalima oqo, a sa kauta mai e ligana nai vola sa cecega tu;

⁶ a sa volai kina vakaoqo, Sa rogovaki voli yani vei ira na veimatanitu tani, a sa kaya ko Kasimu, ni dou sa nanuma vata kei ira na Jiu mo dou vuki tani e na vuku ni ka oqo ko sa viribai, ka mo nodra tui, me vaka na vosa oqo.

⁷ Ko sa lesi ira talega na parofita me vunautaki iko mai Jerusalemi, ka kaya, Sa qai dua na tui mai Juta: ia ena tukuni vua na tui me vaka na vosa oqo. Mo lako mada mai, me tou bose vata.

⁸ Au a qai talaki vua, ka kaya, Sa sega ni caka na ka e vaka na nomu vosa, ia ko sa vakasamataka walega e lomamu na ka oqo.

⁹ Ni ra sa via vakarerei keimami ko ira kece, ni ra kaya, Ena vakamalumalumutaki na ligadra e na cakacaka, me kakua ni caka. Ia oqo, kemuni na noqu Kalou, mo ni vakaukauwataka na ligaqu.

¹⁰ Sa oti, au a qai lako ki na vale i Semaia na luve i Tilaya ka tagane na luve i Meetapeli ka tagane, ko koya sa sogo bututaki eloma; ka sa kaya ko koya, Tou soqoni vata e na vale ni Kalou, e loma ni vale ni soro, ia me da sogota nai sogo ni vale ni soro: ni ra na lako mai e na bogi me vakamatei iko.

¹¹ Au a qai kaya, Me dro li na tamata e vakataki au? ia ko cei beka, ni sa vakataki au tiko, me via curu ki na vale ni soro me vakabulai koya? Au na sega ni curu kina.

¹² Ka raica, ka'u a kunea ni sa sega ni talai koya na Kalou; a sa parofisaitaki au vakaca vakai koya ga; ni sa voli koya ko Topaia kei Sanipalati.

¹³ Sa voli ko koya, me'u rere kina, ka cakacaka vakakina, ka caka cala, ka me dua na ka me ra vakarogocataki au kina, me ra beitaki au.

¹⁴ Kemuni na noqu Kalou, mo ni nanumi Topaia kei Sanipalati, me vaka na nodraui valavala oqo, kei koya na parofita yalewa ko Noataia, kei ira kece na parofita, era a via vakarerei au.

¹⁵ A sa viri oti na bai e na bogi e limasagavulu ka rua, e nai karuasagavulu ka lima ni siga ni vula ko Iluli.

¹⁶ Ia ni ra sa rogoca ko ira kecega na neimami meca, ka ra sa raica ko ira kecega na veimatanitu tani era sa tiko voleka vei keimami, era sa rere ka velavela vakataki ira: ni ra sa raica sa caka rawa na cakacaka oqo e na vuku ni neimami Kalou.

¹⁷ Ia e na gauna ko ya era sa vakauta nai vola e vuqa ko ira na turaga ni Juta kivei Topaia, a sa yaco vei ira nai vola maivei Topaia.

¹⁸ Ni ra sa lewe vuqa e Juta era sa bubului me totaki koya, ni sa vugo i Sekanaia na luve i Ara ka tagane; ia na luvena tagane ko Joenani sa vakawati kei na luve i Mesulame na luve i Perekaia ka tagane.

¹⁹ Era sa dautukuna talega na nona cakacaka vinaka vei au, ka tukuna vua na noqu vosa. A sa dauvakauta nai vola ko Topaia me vakarerei au.