Niemaia 3 - Vakavakadewa Makawa

Sa ia na viri bai, ka sa caka na matamata-ni-koro.

¹ Sa qai ia ko Ilaiasipi na bete levu kei ira na wekana na bete, a ra sa cakava na matamata-ni-koro ni sipi; era sa vakatabuya, ka vakaduria na kenai sogo; io era sa vakatabuya, ka yacova na vale-cecere i Mea, ka yacova na vale-cecere i Ananeli.

² A ra sa viri bai me taravi koya ko ira na kai Jeriko. A sa viri bai me taravi ira ko Sakuri na luve i Imiri.

³ Ia era sa cakava na matamata-ni-koro ni ika ko ira na luve i Asena; a ra sa virikotora na kena kau, ka vakaduria na kenai sogo, kei na kena samugakagaka, kei na kenai vakadei.

⁴ A sa viri bai me taravi ira ko Meremoce na luve i Uraija, na luve i Kose. A sa viri bai me ra taravi ira ko Mesulame na luve i Perekaia, na luve i Mesesapeli. A sa viri bai me taravi ira ko Setoki na luve i Peana.

⁵ A ra sa viri bai me taravi ira ko ira na kai Tikoa; ia ko ira na nodra turaga, era sa sega ni kitaka na cakacaka ni nodra Turaga.

⁶ Ia na matamata-ni-koro makawa sa cakava ko Jioiata na luve i Pasea, kei Mesulame na luve i Pisotaia; era sa virikotora na kena kau, ka vakaduria na kenai sogo, kei na kena samugakagaka, kei na kenai vakadei.

⁷ A sa viri bai me taravi ira ko Melataia na kai Kipioni, kei Jatoni na Meronoci, ko ira na kai Kipioni, kei ira na mai Mesipa, ka yacova nai tikotiko vakaturaga ni kovana e na tai ni uciwai oqo.

⁸ A sa viri bai me taravi koya ko Usieli na luve i Ariea, maivei ira na matai ni koula. A sa viri bai me taravi koya ko Enanaia na luvena e dua maivei ira na daucakai saluaki, a ra sa vakaukauwataki Jerusalemi ka yacova na bai rabailevu.

⁹ A sa viri bai me taravi ira ko Rifaia na luve i Uri, ko koya sa lewa e dua na wase ni Jerusalemi.

¹⁰ A sa viri bai me taravi ira ko Jitaia na luve i Erumafi, e na tikina sa donuya na nona vale. A sa viri bai me taravi koya ko Atusi na luve i Esapinaia.

¹¹ Sa viria na tiki ni bai sa vo, kei na vale-cecere mai na lovo, ko Malikaia na luve i Erimi, kei Asupi na luve i Peaci-moapi.

¹² A sa viri bai me taravi koya ko Salumi na luve i Aloesi, ko koya sa lewa e dua na kena wase ni Jerusalemi, ko koya kei iratou na luvena yalewa.

¹³ Sa cakava na matamata-ni-koro ki na buca ko Anuni, kei ira na kai Sanoa; era sa tara, ka vakaduria na kenai sogo, kei na kena samugakagaka, kei na kenai vakadei, ka sa dua na udolu na kiupiti ni bai ka yacova na matamata-ni-koro ni benu.

¹⁴ A sa cakava na matamata-ni-koro ni benu ko Malikaia na luve i Rekapi, ko koya sa turaga ni dua na wase ni Peci-akerimi; sa cakava ko koya, ka vakaduria na kenai sogo, kei na kena samugakagaka, kei na kenai vakadei.

¹⁵ Ia na matamata-ni-koro ni vurevure ni wai sa cakava ko Saluni na luve i Koli-ose, na turaga ni dua na yasana ko Misipa; sa cakava ko koya, ka ubia, ka vakaduria na kenai sogo, kei na kena samugakagaka, kei na kenai vakadei, kei na bai mai na drano ko Sailoa, mai na were nei koya na tui, kei nai sobusobu sa lako sobu mai na koro i Tevita.

¹⁶ A sa viri bai me taravi koya ko Niemaia na luve i Asipuki, na turaga ni dua na wase ni Peci-suri, ka la'ki donuya nai bulubulu i Tevita, kei na drano ka caka, kei na nodra vale na qaqa.

¹⁷ Sa viri bai me taravi koya ko ira na Livai, ko Riume na luve i Pani. Sa viri bai me taravi koya ko Esapaia, na turaga ni dua na wase ni Kila, e na nona tikina.

¹⁸ Sa viri bai me taravi koya ko ira na wekadra, ko Pavai na luve i Enatati, na turaga ni dua na wase ni Kila.

¹⁹ A sa viri bai me taravi koya ko Esa na luve i Jesua, na turaga ni Misipa, e dua tale na tikina sa donuya nai cabecabe ki na vale ni yaragi mai na tutu ni bai.

²⁰ Sa viria vagumatua na tikina sa vo, me taravi koya, ko Peruki na luve i Sapei, mai na tutu ni bai, ka yacova na katuba ni vale i Ilaiasipi na bete levu.

²¹ Sa viri bai me taravi koya ko Meremoce na luve i Uraija na luve i Kose, e dua tale na tikina, mai na katuba ni vale i Ilaiasipi ka yacova na tutu ni vale i Ilaiasipi.

²² A ra sa viri bai me taravi koya ko ira na bete era kai buca.

²³ Sa viri bai me taravi koya ko Penijamini kei Asupi me donuya na nodrau vale. Sa viri bai me taravi koya ko Asaraia na luve i Meesea na luve i Ananaia me voleka ki na nona vale.

²⁴ Sa viri bai me taravi koya ko Pinui na luve i Enatati e dua tale na tikina, mai na vale i Asaraia ka yacova na tiki-ni-bai kadua, io ka yacova na tutuna.

²⁵ Ko Palali na luve i Usei, sa donuya na tutuna kei na vale-cecere sa donuya na nona vale cecere na tui, sa voleka ki na bai ni vale ni veivesu. Sa taravi koya ko Pitaia na luve i Parose.

²⁶ (Ia ko ira na Necinimi, era a tiko mai Ofeli, ka yaco me donuya na matamata-ni-koro ni wai vaka ki na tu-i-cake, kei na vale-cecere sa tu yani.)

²⁷ Sa taravi koya ko ira na kai Tikoa ka ra viria e dua tale na tikina, sa donuya na vale levu ka cecere sa tu yani, ka yacova na bai mai Ofeli.

²⁸ Sa viri bai e cake ko ira na bete mai na matamata-ni-koro ni ose, me donuya na nodra veivale yadua.

²⁹ Sa viri bai me taravi ira ko Setoki na luve i Ima me donuya na nona vale. Sa viri bai me taravi koya ko Semaia na luve i Sekanaia, nai vakatawa ni matamata-ni-koro mai na tu-i-cake.

³⁰ Sa viri bai me taravi koya ko Enanaia na luve i Selemaia, kei Anuni nai kaono ni luve i Salafi, e dua tale na tikina. Sa viri bai me taravi koya ko Mesulame na luve i Perekaia me donuya na nona vale.

³¹ Sa viri bai me taravi koya ko Malikaia na luve ni matai ni koula ka yacova na nodra yasana na Necinimi, kei na nodra na tamata dauveivoli, me donuya na matamata-ni-koro ko Mifikati, ka yacova nai cabecabe ki na tutuna.

³² A sa viribai ko ira na matai ni koula, kei ira na tamata dauveivoli, e na macawa ni cabecabe ni tutuna ka yacova na matamata-ni-koro ni sipi.