Niemaia 11 - Vakavakadewa Makawa

A nodra i tikotiko na tamata mai Jerusalemi kei na veikoro.

¹ A sa tiko mai Jerusalemi ko ira na nodra turaga na tamata: ko ira na tamata sa vo, era sa vakawiri madigi talega, e na vuku ni dua nai katini ni wase ni tamata me tiko e Jerusalemi, na koro tabu, ka me tiko e ciwa na kena wase e na veikoro tani.

² Ia ko ira na tamata era sa vosavakalougatataki ira era sa bolea me ra tiko mai Jerusalemi.

³ Ia ko ira oqo sa liu e na yasana ko ya ka sa mai tiko ki Jerusalemi: ia sa tiko e na nodra veikoro mai Juta ko ira na Isireli, kei ira na bete, kei ira na Livai, kei ira na Necinimi, kei ira na luvedra na tamata i Solomoni; era tiko yadua e na vanua era sai taukei kina, e na noda veikoro.

⁴ A sa tiko mai Jerusalemi eso vei ira na Juta, ka so vei ira na Penijamini. Vei ira na Juta: ko Ataia, na luve i Usaia ka tagane, na luve i Sakaraia ka tagane, na luve i Amaraia ka tagane, na luve i Sefataia ka tagane, na luve i Mealieli ka tagane, na luve i Feresi;

⁵ kei Meesaia na luve i Peruki ka tagane, na luve i Koli-ose ka tagane, na luve i Esaia ka tagane, na luve i Ataia ka tagane, na luve i Joiaripi ka tagane, na luve i Sekaraia ka tagane, na luve i Sailoni ka tagane.

⁶ Ko ira kece na tagane na luve i Feresi era sa tiko mai Jerusalemi era sa le va na drau ka onosagavulu ka walu na tamata qaqa.

⁷ Ia ko ira oqo na Penijamini era tagane: ko Salu na luve i Mesulame, na luve i Joeti, na luve i Pitaia, na luve i Kolaia, na luve i Meesaia, na luve i Icieli, na luve i Jesaia.

⁸ A sa taravi koya ko Kapai, ko Salai, e le ciwa na drau ka ruasagavulu ka walu.

⁹ Kei Joeli na luve i Sikiri na nodra turaga: kei Juta na luve i Senua nai karua ni turaga ni koro.

¹⁰ Vei ira na bete: ko Jitaia na luve i Joiaripi ka tagane, ko Jakini.

¹¹ Ko Siraia na luve i Ilikaia ka tagane, na luve i Mesulame ka tagane, na luve i Setoki ka tagane, na luve i Miraioca ka tagane, na luve i Eiitupi ka tagane, ko koya sa lewa na vale ni Kalou.

¹² Kei ira na wekadra era sa kitaka na cakacaka ni vale, era lewe walu na drau ka ruasagavulu ka rua: kei Ataia na luve i Jiroame ka tagane, na luve i Pilalaia ka tagane, na luve i Amise ka tagane, na luve i Sakaraia ka tagane, na luve i Pasuri ka tagane, na luve i Malikaia ka tagane,

¹³ kei ira na wekana, era liu vei ira na qase, e le rua na drau ka vasagavulu ka rua: kei Amasai na luve i Esareli ka tagane, na luve i Asai ka tagane, na luve i Meselemoce ka tagane, na luve i Imai ka tagane,

¹⁴ kei ira na wekadra, era tamata qaqa, e le dua na drau ka ruasagavulu ka walu: ia na nodra turaga ko Sapitieli ka tagane, na luve ni dua na tamata turaga.

¹⁵ Vei ira talega na Livai: ko Semaia na luve i Asupi ka tagane, na luve i Asirikame ka tagane, na luve i Esapaia ka tagane, na luve i Puni ka tagane;

¹⁶ kei Sapicei kei Josapati, vei ira era liu vei ira na Livai, era sa lewa na cakacaka ni vale ni Kalou e tautuba.

¹⁷ Kei Matanaia na luve i Maika ka tagane, na luve i Sapiti ka tagane, na luve i Esafa ka tagane, o koya ka lagata na vakavinavinaka ni ra sa masu: kei Pakipukaia nai karua vei ira na wekana; kei Apita na luve i Samua ka tagane, na luve i Kalali ka tagane, na luve i Jitucuni ka tagane.

¹⁸ Ko ira kece na Livai e na koro tabu era sa le rua na drau ka walusagavulu ka va.

¹⁹ Ko ira talega nai vakatawa ni katuba: ko Akupi, ko Talimoni, kei ira na wekadra era vakatawa na matamata-ni-koro, era sa le dua na drau ka vitusagavulu ka rua.

²⁰ Kei ira na Isireli sa vo, vei ira na bete, ko ira na Livai, era sa tiko e na nodra veikoro kecega na Juta, ko ira yadua e na nonai votavota.

²¹ Ia ko ira na Necinimi era tiko mai Ofeli: a sa turaga vei ira na Necinimi ko Saia kei Kisipa.

²² Ko koya talega ka lewai ira na Livai mai Jerusalemi, ko Usai na luve i Pani ka tagane, na luve i Esapaia ka tagane, na luve i Matanaia ka tagane, na luve i Maika ka tagane. Vei ira na tagane na luve i Esafa, ko ira na dau-ni-sere era sa lewa na cakacaka ni vale ni Kalou.

²³ Ni sa dua na nonai vakaro na tui e na vukudra, me sa dua na nodra i votavota na dau-ni-sere e na veisiga kecega.

²⁴ Kei Pecaaia na luve i Mesesapeli ka tagane, vei ira na luve i Sira na luve i Juta ka tagane, sa nona mata na tui e na ka kece sa bale vei ira na tamata.

²⁵ Ia ki na veikoro lalai, kei na nodra vanua ni teitei, eso vei ira na Juta era sa tiko mai Kiriaci-aripa kei na kena veikoro lalai, kei Taiponi kei na kena veikoro lalai, kei Jikapiseli kei na kena veikoro lalai,

²⁶ kei Jesua, kei Molata, kei Paci-paleti,

²⁷ kei na koro ko Suali, kei Pieri-sepa kei na kena veikoro lalai,

²⁸ kei Sikilaki, kei Mikona kei na kena veikoro lalai,

²⁹ kei Eni-rimoni, kei Sora, kei Jarimoce,

³⁰ kei Sanoa, kei Etulama, kei na kedra veikoro lalai, kei Lakisi kei na kena vanua ni teitei, mai Aseka kei na kena veikoro lalai. A ra sa tiko mai Pieri-sepa ka yala ki na buca i Inomi.

³¹ Ko ira talega na Penijamini mai Kipa, era sa tiko mai Mikimasi, kei Aija, kei Peceli, kei na nodra veikoro lalai,

³² kei Anacoci, ko Nopi, ko Ananaia;

³³ ko Asori, ko Rama, ko Kiteimi;

³⁴ ko Atiti, ko Sepoimi, ko Nipalati;

³⁵ ko Lota, kei Ono, na nodra buca na matai.

³⁶ Ia vei ira na Livai, sa so na nodra i votavota e Juta, mai Penijamini talega.