NA SAME 98 - Vakavakadewa Makawa

Sa vakarota vei ira na kai vuravura kecega me ra ia na vakavinavinaka vua na Kalou.

¹ Dou seretaka vei Jiova na sere vou, Ni sa cakava oti na ka mana; A ligana i matau, kei na ligana daucaka dodonu, sa rawa kina na veivakabulai.

² Sa vakatakila ko Jiova ni sa dauia na veivakabulai ko koya: Sa vakaraitaka votu na nona caka dodonu e na matadra na veimatanitu.

³ Sa nanuma ko koya na nona yalololoma kei na nona lomadina kivei ira na mataqali i Isireli: Sa kunea nai yalayala kecega kei vuravura ni sa dauia na veivakabulai na noda Kalou.

⁴ Dou ia na sere vei Jiova, na vuravura kecega: Dou lagata sara, dou kaila e na reki, dou ia na vakavinavinaka.

⁵ Dou sere vei Jiova ka qiri api; Io na api kei na domo ni same.

⁶ E na davui kei na domo ni koneti, Dou ia na sere e na mata i Jiova, na Tui.

⁷ Me vadugu mada na wasawasa, kei na ka e sinai kina; Ko vuravura, kei ira era tiko kina.

⁸ Me cobo na uciwai: Me reki vata na veiulu-ni-vanua

⁹ E na mata i Jiova; ni sa lako mai me lewai vuravura: Ena lewai vuravura e na yalododonu, Kei ira na tamata e na lewa dodonu.