NA SAME 87 - Vakavakadewa Makawa

A nodra lagilagi na lewe ni soro. A Same na nodra na luve i Kora.

¹ A nona yavu sa tu mai na ulu-ni-vanua tabu.

² Sa lomana vakalevu ko Jiova na matamata-ni-koro mai Saioni, Ka vakalailai nai tikotiko kecega i Jekope.

³ Sa dautukuni voli na nomuni lagilagi, O iko na koro ni Kalou. Sela.

⁴ Au na cavuti Reapi kei Papiloni vei ira era kilai au: Raica, ko Filisitia, kei Taia, kei Iciopea; Sa sucu maikina na tamata oqo.

⁵ Ia e na vuku i Saioni ena kainaki, Sa sucu maikina na tamata oqo kei na tamata ko ya; Ena vakataudeitaki koya ko Koya sa Cecere sara.

⁶ Ena tukuna ko Jiova, ni sa volai ira na tamata, Ni sa sucu maikina na tamata oqo. Sela.

⁷ Ena tiko maikina na dauqiriqiri kei ira talega era dauia na sere: Sa tubu maivei iko na noqu i vurevure kecega.