NA SAME 82 - Vakavakadewa Makawa

Sa vunauci ira na mataveilewai. A Same i Esafa.

¹ Sa tu na Kalou e na nodra i soqosoqo na kaukauwa; Sa lewa e na kedra maliwa na kalou.

² A cava na kena dede ni dou na lewa vakatawadodonu tiko, Ka goleva na tamata i valavala ca? Sela.

³ Dou lewai ira vakavinaka na malumalumu kei na luveniyali: Dou kitaka na ka e dodonu vei ira sa rarawa kei ira sa dravudravua.

⁴ Dou vakabula na vakaloloma kei na dravudravua: Dou vakabulai ira mai na ligadra nai valavala ca.

⁵ Era sa sega ni kila, ka ra sega na vuku rawa; Era lako voli e na butobuto: Sa yavala kecega na yavu kei vuravura.

⁶ Au a kaya, Dou sa kalou; Kei na luve i Koya sa Cecere sara koi kemudou kecega:

⁷ Ia dou na mate ga me vaka na tamata, Ka bale me vaka e dua na turaga.

⁸ Mo ni tu cake, na Kalou, mo ni lewai vuravura: Ni kemuni na taukena Na veimatanitu kecega.