NA SAME 58 - Vakavakadewa Makawa

Sa vunauci na nodra i valavala na tamata ca, 1-5. Ena cudruvi ira na Kalou, 6-9; ia era na reki ga na yalododonu, 10,11. Vua na Domo-ni-sere; Ali-tasikici. A Same i Tevita.

¹ Dou sa vosa dodonu vakaidina li, oi kemudou nai soqosoqo? Dou sa lewa vakadodonu li, oi kemudou na luve ni tamata?

² E sega, e na lomamudou dou sa caka cala tiko; A ligamudou sa vakarautaka na ka sa sega ni dodonu e na vanua oqo.

³ O ira nai valavala ca era sa lako cala voli mai na kete i tinadra: Era sa lako sese, ka vosa lasu tiko, mai na siga era sucu kina.

⁴ A nodra weli gaga sa vaka na weli gaga ni gata: Era vaka na gata didivara sa vakadidivarataka na daligana;

⁵ Ka sa bese ni vakarorogo ki na domodra era dauuvu bitu, Io kevaka sa uvuca vakavuku sara.

⁶ Kemuni na Kalou, mo ni doloka na batidra e gusudra; I Jiova, mo ni doloka sara na batidra lelevu na laioni kaukauwa.

⁷ Me ra waicala yani me vaka na wai sa dave tiko: Ni ra sa navuca na nodra dakai me vanataka na gasau, me sa tamusumusuki ga.

⁸ Me ra waicala ka oti yani, me vaka na la dregadregata; Me ra vaka na lutudole ni yalewa, sa sega ni kunea na mata-ni-siga.

⁹ Ni sa bera ni kila na buka kau vakavotona na nomudou kuro, Ena kauti ira tani ko koya me vaka e na covulaca, ni ra sa bula tiko, ka ni sa cudru ko koya.

¹⁰ Era na reki na yalododonu ni ra kunea na veisausaumi: Ena lomoca na yavana e na kedra dra nai valavala ca.

¹¹ Era na qai kaya kina na tamata, E dina era na saumi ko ira na yalododonu; E dina ni sa Kalou ko koya ka sa lewa e vuravura.