NA SAME 51 - Vakavakadewa Makawa

Sa vakatusa na nonai valavala ca ko Tevita, ka masuta na Kalou me lomani koya, ka vakabulai koya mai na nona ca. Vua na Domo-ni-sere. A Same i Tevita, ni sa lako mai vua ko Necani na parofita, ni sa ca vata kei Paci-sepa.

¹ Ni lomani au mai, na Kalou, me vaka na nomuni yalololoma: Me vaka na kena levu ni nomuni yalololoma, mo ni bokoca laivi na noqu i valavala ca.

² Mo ni vakasavasavataki au sara mai na noqu caka cala, Ka vuya laivi vei au na noqu i valavala ca.

³ Ni'u sa vakatusa na noqu talaidredre: Ka sa tu ga e mataqu e na veisiga na noqu i valavala ca.

⁴ Vei kemuni, io, vei kemuni duaduaga, ka'u sai valavala ca, Ka cakava e matamuni na ka ca: Mo ni vakadonui ni kemuni sa vosa, Ka sega ni cala ni kemuni sa lewa.

⁵ Raica, ka'u a sucu vata kei na ca; Ka sa kunekunetaki au ko tinaqu e nai valavala ca.

⁶ Raica, ko ni sa vinakata na ka dina mai na vu ni yalo: Ia mo ni vakavukui au e na tikina eloma.

⁷ Mo ni vakasavasavataki au e na isopi, ka'u na qai savasava: Vui au, ka'u na qai vulavula vakalevu ka vakalailai na uca-vulavula.

⁸ Vakayacora vei au me'u rogoca na ka ni marau kei na reki; Me reki rawa kina na suiqu ko ni sa musulaka.

⁹ Ni tabonaka na matamuni mai na noqu i valavala ca, Ka bokoca laivi na noqu caka cala kecega.

¹⁰ Kemuni na Kalou, mo ni bulia e lomaqu na yalo e savasava; Ka vakavouya e lomaqu na yalo sa dei tiko.

¹¹ Ni kakua ni vakasevi au mai na matamuni; Ka mo ni kakua ni kauta tani vei au na nomuni Yalo Tabu.

¹² Mo ni vakasuka tale kivei au na marau ni bula sa vu maivei kemuni; Ka mo ni tokoni au e na yalo sa gumatua tiko.

¹³ Au na qai vakavulica vei ira nai valavala ca na nomuni sala; Ka ra na saumaki mai vei kemuni ko ira nai valavala ca.

¹⁴ Mo ni vakabulai au, na Kalou, na Kalou ni noqu veivakabulai, mai nai sau ni dra: Ena qai seretaka vakadomoilevu na nomuni yalododonu na yamequ.

¹⁵ Kemuni na turaga, mo ni basuka na tebenigusuqu; Ena qai vakacaucautaki kemuni na gusuqu.

¹⁶ Kemuni sa sega ni vinakata me'u vakacaboi soro, se'u na cakava: Ko ni sa sega talega ni rekitaka nai soro kama.

¹⁷ Ai soro vua na Kalou na yalo sa raramusumusu; A yalo sa ramusu, ka bibivoro, ko ni na sega ni cata, na Kalou.

¹⁸ Mo ni caka vinaka ki Saioni e na nomuni yalololoma: Mo ni viria na bai kei Jerusalemi.

¹⁹ Kemuni na qai donuya nai soro dodonu, nai soro kama, kei nai soro sa kama taucoko: Ia era na qai vakacabora na pulumokau e na nomuni cabocabo-ni-soro.