NA SAME 43 - Vakavakadewa Makawa

A masu ni tamata sa gadreva na Kalou.

¹ Kemuni na noqu Kalou, mo ni lewai au mai, mo ni ia na veilewai e na vukuqu kei ira na matanitu sa sega ni loloma: Ni vakabulai au mai na tamata daulasu ka tawa dodonu.

² Ni sai kemuni ga na Kalou ni noqu kaukauwa: o ni sa biuti au tani e na vuku ni cava? A cava ka'u sa tagi voli kina ka ni ra sa vakasaurarataki au na meca?

³ Mo ni tala mai na nomuni rarama kei na nomuni dina: me rau tuberi au tiko; Me rau kauti au ki na nomuni ulu-ni-vanua tabu, Kei na nomuni tikotiko.

⁴ Au na qai lako ki nai cabocabo-ni-soro ni Kalou, Vua na Kalou na noqu vu ni marau dina sara; Ia ka'u na vakavinavinaka e na api vei kemuni na Kalou, na noqu Kalou.

⁵ Na yaloqu, o sa bibi lako e na vuku ni cava? O sa nuiqawaqawa e lomaqu e na vuku ni cava? Mo nuitaka na Kalou: ni'u na vakavinavinaka tiko vua, Na vu ni bula ni mataqu, kei na noqu Kalou.