NA SAME 23 - Vakavakadewa Makawa

Sa vakatawai ira na nona tamata ko Jiova me vaka nai vakatawa ni sipi. A Same i Tevita.

¹ A noqu i vakatawa ko Jiova; ena sega na ka me yali vei au.

² Sa vakadavori au e na vanua veico drokadroka: Sa tuberi au e na bati ni uciwai sa drodro malua.

³ Sa vakabulabulataka tale mai na yaloqu: Sa tuberi au e na sala dodonu e na vuku ni yacana.

⁴ Io, kevaka ka'u sa lako e loma ni buca ni yaloyalo ni mate, Ka'u na sega ni rerevaka na ca: ni kemuni sa tiko vata kei au; Ena vakacegui au na nomuni titoko kei na nomuni matanakilagi.

⁵ O ni sa vakarautaka na noqu tepeli e matadra na noqu meca: O ni sa lumuta na uluqu e nai lumu; sa vuabale na mequ bilo.

⁶ E dina ena muri au na yalovinaka kei na loloma e na veisiga kecega ni noqu bula: Ka'u na tiko ga e na vale nei Jiova ka sega ni mudu.