NA SAME 149 - Vakavakadewa Makawa

Me ia na vakavinavinaka vei Jiova.

¹ Dou ia vei Jiova na vakavinavinaka. Dou seretaka vei Jiova na sere vou, Kei na vakavinavinaka vua e na nodra i soqosoqo na tamata yalosavasava.

² Ko ira na Isireli, me ra rekitaki koya sa buli ira: Na luve i Saioni, me ra rekitaka na nodra Tui.

³ Me ra vakavinavinaka ki na yacana e na bitu-ni-vakatagi; Me ra sere vua ka qiria na tibereli kei na api.

⁴ Ni sa vinakati ira na nona tamata ko Jiova: Ena vakaiukuukutaki ira na yalomalumalumu e na bula.

⁵ Me ra reki vakalevu ko ira na yalosavasava: Me ra sere vakadomoilevu e na nodra i mocemoce.

⁶ Me sere vakaidina vua na Kalou na gusudra, Ka me taura nai seleiwau batirua na ligadra;

⁷ Me cudruvi ira na veimatanitu, Ka turisautaki ira na lewe ni veivanua;

⁸ Me vesuki ira na nodra tui e na sinucodo, Kei na nodra turaga e nai vesu aironi;

⁹ Me vakayacora vei ira na lewa sa volai: Era sa dokai vakaoqo ko ira na nona tamata yalosavasava kecega. Dou ia vei Jiova na vakavinavinaka.