NA SAME 129 - Vakavakadewa Makawa

Sa dauvakabulai ira na Isireli na Kalou mai na nodra vakararawataki, 1-4. Sa cudruvi na nodra meca, 5-8. A Same ni cabecabe.

¹ Me ra kaya mada ko ira na Isireli, Sa vakavuqa na nodra vakararawataki au mai na gauna ka'u a cauravou kina;

² Sa vakavuqa na nodra vakararawataki au mai na gauna ka'u a cauravou kina: Ia era sa sega ni gumatua rawa vei au.

³ Era sa cukita na dakuqu ko ira na daucuki: Era sa vakababalavutaka na nodra i tova.

⁴ Sa yalododonu ko Jiova: Sa cebedrutia laivi nai vau ni tamata i valavala ca.

⁵ Me ra vakamaduataki ka vakalesui ki muri, Ko ira era sa cati Saioni.

⁶ Me ra vaka na co mai na dela ni veivale, O koya sa malai yani ni sa sega ni tubu vinaka:

⁷ Sa sega ni tawa kina na liga i koya sa dautamusuki sila; Se na lomasere i koya sa vau sila.

⁸ A ra sa sega talega ni kaya ko ira era sa lako voli kina, Me vakalougatataki kemudou mada ko Jiova: Keitou sa vosavakalougatataki kemudou e na yaca i Jiova.