NA SAME 128 - Vakavakadewa Makawa

A veivakalougatataki sa daumuri ira era sa rerevaka na Kalou. A Same ni cabecabe.

¹ Sa kalougata ko ira kecega era sa rerevaki Jiova; Ko ira era sa lako voli e na nona sala.

² Ni ko na kania na cakacaka ni ligamu: O na kalougata, ka ko na vinaka tiko.

³ A watimu ena vaka na vaini sa vuavua, e nomu loma ni vale: A luvemu era na vaka na olive, ni ra sa tiko volita na nomu tepeli.

⁴ Raica, ena kalougata vakaoqo na tamata Sa rerevaki Jiova.

⁵ Ena vakalougatataki iko mai Saioni ko Jiova: Ia ko na raica ni sa vinaka tiko ko Jerusalemi e na veisiga kecega ko bula kina.

⁶ Io, ko na raica na luvedra na luvemu. Me yaco ga na vakacegu vei ira na Isireli!