NA SAME 127 - Vakavakadewa Makawa

Sa yaga na veivuke ni Turaga, 1,2. Na gone sa nonai solisoli na Kalou, 3-5. A Same ni cabecabe; a nei Solomoni.

¹ Kevaka sa sega ni tara na vale ko Jiova, Era sa oca wale ko ira era sa tara: Kevaka e sega ni vakatawa na koro ko Jiova, Sa yadra wale ko koya nai vakatawa.

² Sa sega ni yaga ni dou sa sou e na mataka, ka berabera ni vakacegu tiko, Ka kania na madrai ni oca; Ni sa vakamocei ira ga sa lomana ko koya.

³ Raica, na gone era sa nonai solisoli na Kalou: Kei na vua ni kete sa kenai sau ni ka vinaka.

⁴ Me vaka na gasau e na liga ni tamata kaukauwa; Sa vakakina na luvedra era sa cauravou tiko.

⁵ Sa kalougata na tamata sa sinai kina na nona taga ni gasau: Era na sega ni madua rawa, Ni ra na vosa vei ira na nodra meca mai na matamata-ni-koro.