NA SAME 126 - Vakavakadewa Makawa

Era vakavinavinaka ko ira nai soqosoqo lewe ni lotu ni sa qai ia na Kalou me vakabulai ira mai na vanua ni meca; ka ra sa masuti koya me tinia vakavinaka sara. A Same ni cabecabe.

¹ Ni sa vakalesuya tale ko Jiova na bobula ni Saioni, Eda a vakataki ira era sa tadra.

² Sa qai ka levu na dredre e na gusuda. Ka levu na sere e na yameda: Era sa qai kaya ko ira e na veimatanitu, Sa cakava na ka levu ko Jiova e na vukudra.

³ Sa cakava na ka levu ko Jiova e na vukuda; Eda sa marau kina.

⁴ Mo ni lesu tale mai, Jiova, vei keimami sa vakabobulataki, Me vaka na uciwai mai na mata ni ceva.

⁵ O ira era sa tagi lako ni ra sa kabukaburaki voli, era na sere ga ni ra sa tatamusuka.

⁶ O koya sa lako yani ka tagi voli, ni sa kauta na sore ni sila; Ena lesu tale mai e na marau, Ni sa kauta vata kaya mai na nona veivau sila.